అల్లు అర్జున్ – సుకుమార్ కాంబినేష‌న్‌లో రూపొందుతున్న చిత్రం `పుష్ష`. ఈ సినిమాలో విల‌న్ల హంగామా ఎక్కువ‌గానే క‌నిపించ‌నుంది. దాదాపు 9 మంది విల‌న్లు ఈ సినిమాలో ఉంటార‌ని టాక్‌. అందులో సునీల్ ఒక‌డు. అయితే మెయిన్ విల‌న్ ఎవ‌రన్న‌ది ఇంకా తేల‌లేదు. ఆ పాత్ర కోసం విజ‌య్ సేతుపతి, బాబీ సింహా లాంటి పేర్లు ప‌రిశీలిస్తున్నారు. ఇప్పుడు ఆర్య‌ని ఖ‌రారు చేశార‌ని టాక్‌. త‌మిళ న‌టుడైన ఆర్య తెలుగువాళ్ల‌కు సుప‌రిచితుడే. `వ‌రుడు`లో బ‌న్నీకి విల‌న్ గా న‌టించింది ఆర్య‌నే. `సైజ్ జీరో`లోనూ అనుష్క ప‌క్క‌న క‌నిపించాడు. ఇప్పుడు ఆ ఆర్య‌నే `పుష్ష` కోసం ఎంచుకున్నార‌ని, త‌నే ప్ర‌ధాన విల‌న్ అని టాక్‌. పాన్ ఇండియా స్థాయిలో తెర‌కెక్కిస్తున్నా, మెయిన్ టార్గెట్ త‌మిళ చిత్ర‌సీమే. అందుకే.. త‌మిళం నుంచి ప్ర‌ధాన విల‌న్ ని ఎంచుకోవాల‌ని ముందు నుంచీ భావిస్తున్నారు. అందుకే ఆర్య‌ని ఫిక్స్ చేశారు. ఇంకెంత‌మంది విల‌న్ల పేర్లు బ‌య‌ట‌కు వ‌స్తాయో చూడాలి.
‘పుష్ష’లో వ‌రుడు విల‌న్
