విశ్వ‌క్ సేన్‌, కార్తికేయ‌… ఇద్ద‌రూ ఈ త‌రం హీరోలే. త‌క్కువ టైమ్ లోనే యూత్ కి ద‌గ్గ‌రైపోయారు. ఎలాంటి క‌థ‌లో అయినా ఇమిడిపోతున్నారు. ప్ర‌యోగాలు చేస్తున్నారు. ఇప్పుడు ఇద్ద‌రూ క‌లిసి న‌టిస్తున్నారు. అవును… విశ్వ‌క్‌సేన్, కార్తికేయ క‌లిసి.. ఓ సినిమా చేస్తున్నారు. దీనికి విశ్వ‌క్ సేన్ నిర్మాత‌. దిల్ రాజు స‌మ‌ర్ప‌కుడిగా వ్య‌వ‌హ‌రించ‌బోతున్నారు. ఈ సినిమాతో ఓ ఎడిట‌ర్ ద‌ర్శ‌కుడిగా ప‌రిచ‌యం అవ్వ‌బోతున్నార‌ని టాక్‌. క్ష‌ణం, గూఢ‌చారి టైపులో.. ఓ థ్రిల్ల‌ర్ అని తెలుస్తోంది. విశ్వ‌క్‌, కార్తికేయ‌లో ఒక‌రు.. నెగిటీవ్ షేడ్స్ ఉన్న పాత్ర పోషించ‌బోతున్నార్ట‌. మ‌రి.. ఈ సినిమాలో హీరో ఎవ‌రో, విల‌న్ ఎవ‌రో తెలియాలంటే ఇంకొన్ని రోజులు ఆగాలి. ఈ యేడాది ప్రారంభంలో ఈ సినిమా సెట్స్‌పైకి వెళ్ల‌నుంది. పూర్తి వివ‌రాలు త్వ‌ర‌లో తెలుస్తాయి.