ప‌వ‌న్ కల్యాణ్ ఇప్పుడు షూటింగ్ మూడ్ లో ఉన్నాడు. `వ‌కీల్ సాబ్‌`కి సంబంధించి త‌న పార్ట్ పూర్తి చేసుకున్నాడు ప‌వ‌న్‌. ఈనెల 4 నుంచి క్రిష్ సినిమాకి కాల్షీట్లు ఇచ్చేశాడు. ఈ సంక్రాంతికి `వ‌కీల్ సాబ్‌` టీజ‌ర్ విడుద‌ల కానుంది. ఈ విష‌యాన్ని ఈరోజు చిత్ర‌బృందం ప్ర‌క‌టించింది కూడా. ఈ టీజ‌ర్ కోసం.. అభిమానులు ఎప్ప‌టి నుంచో ఆస‌క్తిగా ఎదురు చూస్తున్నారు. జ‌న‌వ‌రి 1 సంద‌ర్భంగా.. ప‌వ‌న్, శ్రుతిల పోస్ట‌ర్‌ని విడుద‌ల చేసింది టీమ్‌. ఈ పోస్ట‌ర్ అభిమానుల్లో కొత్త ఉత్సాహాన్ని నింపింది.

ఈ సంక్రాంతికి క్రిష్ సినిమాకి సంబంధించిన ఓ అప్ డేట్ కూడా ఉండొచ్చ‌ని స‌మాచారం. ఈ సినిమా టైటిల్ ఏమిట‌న్న‌ది ఇంకా తేల‌లేదు. `విరూపాక్ష‌` అనే పేరు ప‌రిశీల‌న‌లో ఉంది. అదే ఖ‌రారు చేయ‌వ‌చ్చు. ఈ సంక్రాంతికి టైటిల్ ప్ర‌క‌టించే అవ‌కాశం ఉంది. అంతేకాదు.. ప‌వ‌న్ `అయ్య‌ప్ప‌యుమ్ కోషియ‌మ్‌` రీమేక్‌కి సంబంధించిన అప్‌డేట్ కూడా.. ఈ పండ‌క్కే ఉంటుంద‌ని తెలుస్తోంది. సో.. పండ‌గ సంద‌డంతా.. వ‌వ‌న్ దే అన్న‌మాట‌.