గౌత‌మ్ మీన‌న్ ది ప్ర‌త్యేక‌మైన శైలి. స్టైలీష్ యాక్ష‌న్ ఎంట‌ర్‌టైన‌ర్‌ల‌కు పెట్టింది పేరు. పోలీస్ క‌థ‌లంటే… ఆయ‌నే తీయాలి.. అన్నంత పేరు తెచ్చుకున్నారు. గౌత‌మ్‌కి హిట్టూ, ఫ్లాపుల‌తో సంబంధం లేదు. ఆయ‌న‌తో సినిమాలు చేయ‌డానికి స్టార్ హీరోలు రెడీగా ఉంటారు. అయితే.. ఈమ‌ధ్య గౌత‌మ్ మీన‌న్ న‌ట‌న‌పై ఫోక‌స్ పెట్టారు. దానికి త‌గ్గ‌ట్టే ఆయ‌న‌కు వెరైటీ పాత్ర‌లూ ద‌క్కుతున్నాయి. ఇప్పుడు తెలుగులో ఓ సినిమా చేయ‌డానికి గౌత‌మ్ మీన‌న్ ప్ర‌య‌త్నాలు ప్రారంభించార‌ని స‌మాచారం. అల్లు అర్జున్ ని దృష్టిలో ఉంచుకుని గౌత‌మ్ ఓ క‌థ రెడీ చేశార‌ని ఇన్ సైడ్ వ‌ర్గాల టాక్‌. బ‌న్నీని క‌లిసి, క‌థ చెప్ప‌డానికి ఆయ‌న ప్ర‌య‌త్నాలు ప్రారంభించార‌ని స‌మాచారం. అన్నీ కుదిరితే.. అది త్వ‌ర‌లో… వీరిద్ద‌రి మ‌ధ్యా భేటీ జ‌ర‌గొచ్చు. బన్నీ ఇప్ప‌టి వ‌ర‌కూ పోలీస్ క‌థ‌లు చేయ‌లేదు. `రేసు గుర్రం`లో కాసేపు.. యూనీఫామ్ లో క‌నిపించాడంతే. పెద్ద హీరోలంతా.. ఎప్పుడో ఒక‌ప్పుడు పోలీస్ ఆఫీస‌ర్ పాత్ర‌లు చేసిన‌వాళ్లే. బ‌న్నీకీ ఆ ఆలోచ‌న వ‌స్తే… గౌత‌మ్ మీన‌న్ ప‌ర్‌ఫెక్ట్ ఆప్ష‌న్‌. మ‌రి ఏం జ‌రుగుతుందో చూడాలి. కాక‌పోతే… బన్నీ వ‌చ్చే రెండేళ్ల‌కు బిజీ. `పుష్ష` అవ్వ‌గానే.. కొర‌టాల శివ సినిమా చేయాలి. కాబ‌ట్టి… అప్ప‌టి వ‌ర‌కూ ఎదురు చూడ‌క త‌ప్ప‌దు.
బన్నీ కోసం గౌత‌మ్ మీన‌న్ క‌థ?
