మైత్రీ మూవీస్ సంస్థ‌…. ఫుల్ స్వింగ్ లో ఉంది. సినిమా మీద సినిమా… సినిమా మీద సినిమా ప‌ట్టాలెక్కేస్తోంది. దాదాపు పెద్ద హీరోలంద‌రి చేతిలోనూ మైత్రీ ఇచ్చిన అడ్వాన్సులు ఉన్నాయి. తాజాగా.. క‌ల్యాణ్ తోనూ ఓసినిమా మొద‌లెట్టేసింది. రాజేంద్ర అనే కొత్త కుర్రాడు ఈ చిత్రానికి ద‌ర్శ‌క‌త్వం వ‌హిస్తున్నాడు. ఈరోజే.. ఈ చిత్రం లాంఛ‌నంగా ప్రారంభ‌మైంది. క‌థానాయిక‌, ఇత‌ర వివ‌రాల్ని చిత్ర‌బృందం త్వ‌ర‌లోనే ప్ర‌క‌టించ‌బోతోంది. ఈనెల‌లోనే రెగ్యుల‌ర్ షూటింగ్ కూడా ప్రారంభిస్తారు. క‌ల్యాణ్ రామ్ `తుగ్ల‌క్‌` అనే మ‌రో సినిమాలోనూ న‌టిస్తున్నాడు. వేణు మ‌ల్లిడి ద‌ర్శ‌కుడు. సోషియో ఫాంట‌సీ నేప‌థ్యంలో సాగే క‌థ ఇద‌ని తెలుస్తోంది. ఇందులో.. క‌ల్యాణ్ రామ్ పాత్ర‌లో నెగిటీవ్ షేడ్స్ కూడా ఉంటాయ‌ని స‌మాచారం. అయితే ఈ సినిమాకి సంబంధించిన ఏ విష‌యాలూ ఇప్ప‌టి వ‌ర‌కూ అధికారికంగా బ‌య‌ట‌కు రాలేదు.