ఉప్పెన‌తో ఎంట్రీ ఇచ్చాడు సుకుమార్ శిష్యుడు.. బుచ్చిబాబు. ఆ సినిమా వ‌సూళ్ల సునామీ సృష్టిస్తోంది. 5 వ రోజూ.. ఉప్పెన దూకుడు త‌గ్గ‌లేదు. ఈ సినిమా బ‌య‌ట‌కు రాక ముందే… బుచ్చిబాబుపై హీరోల దృష్టి ప‌డిపోయింది. బుచ్చి టాలెంట్ ముందే గ్ర‌హించిన మైత్రీ మూవీస్ త‌న‌తో మ‌రో రెండు సినిమాల‌కు ఎగ్రిమెంట్ చేయించుకుంది. ఇప్పుడు హీరోని వెదికే ప‌నిలో ఉంది.

బుచ్చిబాబు త‌న రెండో సినిమాగా ఓ స్పోర్ట్స్ డ్రామాని రాసుకుంటున్నాడు. ఇప్ప‌టికే స్క్రిప్టు ప‌నులు మొద‌లైపోయాయి. ఈ క‌థ‌ని.. ఎన్టీఆర్‌కి ఇది వ‌ర‌కే వినిపించాడ‌ట‌. అయితే ఎన్టీఆర్ కి స‌గం క‌థే చెప్పాడ‌ని తెలుస్తోంది. `ఉప్పెన‌` రిజ‌ల్ట్ చూసిన ఎన్టీఆర్ `మిగిలిన క‌థ ఎప్పుడు చెబుతావ్‌` అంటూ బుచ్చిని లైన్ లో పెట్టిన‌ట్టు తెలుస్తోంది. మైత్రీ మూవీస్ కూడా ఎన్టీఆర్ – బుచ్చిబాబుల‌తో లైన‌ప్ కుద‌ర్చాల‌ని చూస్తోంది. ప్ర‌స్తుతం త్రివిక్ర‌మ్ తో ఓ సినిమా చేస్తున్నాడు ఎన్టీఆర్‌. ఆ సినిమా పూర్త‌యిన త‌ర‌వాత గానీ.. ఎన్టీఆర్ షెడ్యూల్ ఏమిట‌న్న‌ది తెలీదు. ఈలోగా.. మైత్రీలోనే బుచ్చిబాబు మ‌రో హీరోతో కమిట్ అయ్యే అవ‌కాశం ఉంది. బుచ్చి రాసుకున్న స్పోర్ట్స్ డ్రామా ఎన్టీఆర్ ని దృష్టిలో ఉంచుకుని రాసిందే అని టాక్‌. సో.. ఎన్టీఆర్ – బుచ్చిబాబు కాంబో చూసే రోజులు ఇంకెంతో దూరంలో లేవ‌న్న‌మాట‌.