రాజ‌మౌళి బ‌లం.. బ‌లగం… విజ‌యేంద్ర ప్ర‌సాద్‌. ఆయ‌న క‌థ‌లే.. రాజ‌మౌళి సినిమాలుగా తీస్తూ వ‌చ్చారు. విజ‌యేంద్ర ప్ర‌సాద్ విజ‌న్ ఏమిట‌న్న‌ది బాహుబ‌లి, భ‌జ‌రంగీ భాయ్ జాన్ క‌థ‌లు చూస్తే అర్థం అవుతుంది. క‌థా ర‌చ‌యిత‌గా… ఆయ‌న డిమాండ్ ఎలాంటిదో ప్ర‌త్యేకంగా చెప్పాల్సిన ప‌నిలేదు.

ఇప్పుడాయ‌న ప‌వ‌న్ క‌ల్యాణ్ కోసం ఓ క‌థ రెడీ చేస్తున్నార‌న్న‌ది టాలీవుడ్ టాక్‌. విజ‌యేంద్ర ప్ర‌సాద్ కి ప‌వ‌న్ అంటే చాలా ఇష్టం. ఇది వ‌ర‌కు కొన్ని ఇంట‌ర్వ్యూల‌లో ఆ విష‌యాన్ని ఆయ‌నే స్వ‌యంగా చెప్పారు. బాహుబ‌లి ఇంట్ర‌వెల్ సీన్‌కి.. ప‌వ‌న్ క‌ల్యాణ్‌నే స్ఫూర్తి అని మీడియా ముఖంగా వివ‌రించారు. ఇప్పుడు ప‌వ‌న్ కోసం ఓ క‌థ రాయడం మొద‌లెట్టార్ట‌. రాజ‌మౌళి చేసే సినిమాల‌కు విజ‌యేంద్ర ప్రసాదే క‌థ‌కుడు. కానీ… విజ‌యేంద్ర ప్ర‌సాద్ రాసిన ప్ర‌తీ క‌థ‌కూ రాజ‌మౌళి ద‌ర్శ‌కుడు కాదు. కొన్ని క‌థ‌ల్ని ఆయ‌న బ‌య‌ట‌కు ఇచ్చేశారు కూడా. మ‌రి ఈ క‌థ‌నీ మ‌రో ద‌ర్శ‌కుడికి ఇచ్చేస్తారా? లేదంటే.. రాజ‌మౌళి కూడా అట్టిపెడ‌తారా? అనేది మాత్రం ఇంకా తెలీదు. రాజ‌మౌళి చేసినా చేయ‌క‌పోయినా, విజ‌యేంద్ర ప్ర‌సాద్ క‌థ‌లో ప‌వ‌న్ హీరో అంటే.. ఆ మైలేజే వేరుగా ఉంటుంది. మ‌రి.. ప‌వ‌న్ కోసం పెద్దాయ‌న ఎలాంటి క‌థ రెడీ చేస్తున్నారో చూడాలి.