ర‌ష్మిక‌కు తెలుగులో ఉన్న క్రేజ్ గురించి ప్ర‌త్యేకంగా చెప్పాల్సిన ప‌నిలేదు. త‌నో టాప్ హీరోయిన్‌. త‌న‌కోసం కూడా జ‌నాలు థియేట‌ర్ల‌కు వ‌స్తార‌న్నది నిజం. దీనికి మ‌రో నిద‌ర్శ‌నం `పొగ‌రు`. ఇదో క‌న్న‌డ డ‌బ్బింగ్ సినిమా. ఈ శుక్ర‌వారం విడుద‌లైంది. యాక్ష‌న్ కింగ్ అర్జున్ మేన‌ల్లుడు ధృవ్ షార్జా హీరో. త‌న‌ని చూస్తే… తెలుగు సినిమాల్లో.. సైడ్ ఫైట‌ర్ లా ఉంటాడు. హీరో అంటే ఎవ్వ‌రూ న‌మ్మ‌రు. కానీ… ఈ సినిమాకి మాస్ థియేట‌ర్ల‌లో, మంచి వ‌సూళ్లు వ‌స్తున్నాయి. దానికి కార‌ణం.. ర‌ష్మిక‌నే. ఈ సినిమాలో త‌నే హీరోయిన్‌. తెలుగులో ర‌ష్మిక‌కు మంచి గుర్తింపు ఉంది కాబ‌ట్టి, దాన్ని క్యాష్ చేసుకున్నారు నిర్మాత‌లు. ప్ర‌తీ పోస్ట‌రులోనూ ర‌ష్మిక ఫొటోని హైలెట్ చేశారు. దాంతో.. ఇది ర‌ష్మిక సినిమాగా ముద్ర ప‌డిపోయింది. తొలి రెండు రోజుల్లోనూ 1.3 కోట్లు సాధించింది. ఇది చిన్న మొత్త‌మే కావొచ్చు. కానీ అదే రోజున విడుద‌లై.. మంచి రివ్యూస్ తెచ్చుకున్న `నాంది` దీనికంటే త‌క్కువ వ‌సూళ్లు (1.2 కోట్లు) తెచ్చుకుంది. దీన్ని బ‌ట్టి.. ర‌ష్మిక క్రేజ్ ఏమిటో అర్థం చేసుకోవొచ్చు.