కీర‌వాణి ఇద్ద‌రు త‌న‌యులూ చిత్ర‌సీమ‌లోనే ఉన్నారు. కాల‌భైర‌వ సంగీత ద‌ర్శ‌కుడిగా రాణిస్తున్నాడు. శ్రీ సింహా `మ‌త్తువ‌ద‌ల‌రా` సినిమాతో హీరో అవ‌తారం ఎత్తిన సంగ‌తి తెలిసిందే. ఇప్పుడు శ్రీ‌సింహ మ‌రో సినిమాని ప‌ట్టాలెక్కిస్తున్నాడు. అదే.. `భాగ్ సాలే`. మ‌హేష్ బాబు `బిజినెస్ మేన్‌`లో.. `భాగ్ సాలే.. `అనే గీతం ఉంది. ఇప్పుడు ఆ ప‌దం టైటిల్ అయిపోయింది. ప్ర‌ణీత్ బ్ర‌మాండ‌ప‌ల్లి ద‌ర్శ‌కుడిగా ప‌రిచ‌యం అవుతున్నాడు. సురేష్ బాబు ఈ చిత్రానికి స‌మ‌ర్ప‌కుడు. కాల భైర‌వ సంగీతం అందిస్తున్నాడు. `మ‌త్తువ‌ద‌ల‌రా` టైపులోనే క్రైమ్ కామెడీ జోన‌ర్‌లో సాగే సినిమా అని ద‌ర్శ‌క నిర్మాత‌లు చెబుతున్నారు. ఈ రోజు శ్రీ సింహా పుట్టిన రోజు. ఈ సంద‌ర్భంగా ఈ సినిమాకి సంబంధించిన ఫ‌స్ట్ లుక్ కూడా విడుద‌ల చేశారు. త్వ‌ర‌లోనే ఇత‌ర న‌టీన‌టులు, సాంకేతిక నిపుణుల వివ‌రాలు ప్ర‌క‌టిస్తారు.