రాజ‌మౌళి – ప్ర‌భాస్‌ల ఛ‌త్ర‌ప‌తిని ఇన్నేళ్ల త‌ర‌వాత బాలీవుడ్ లో రీమేక్ చేస్తున్న సంగ‌తి తెలిసిందే. బెల్లంకొండ సాయి శ్రీ‌నివాస్ హీరో. ఈ సినిమాతోనే హిందీలో అడుగుపెడుతున్నాడు. వినాయ‌క్ ద‌ర్శ‌కుడు. త‌న‌కీ ఇదే తొలి హిందీ చిత్రం. ఇందులో హీరోయిన్ పాత్ర కోసం గ‌త కొన్ని రోజులుగా అన్వేష‌ణ జ‌రుగుతోంది. చాలామంది హీరోయిన్ల పేర్లు వినిపించాయి. పూజా హెగ్డే, శ్ర‌ద్దా క‌పూర్‌, కైరా అద్వానీ… ఇలా ర‌క‌ర‌కాల పేర్లు ప‌రిశీలించారు. చివ‌రికి.. దిశాప‌టానీని ఫిక్స్ చేసిన‌ట్టు స‌మాచారం. పూరి జ‌గ‌న్నాథ్ సినిమా `లోఫర్‌` తో టాలీవుడ్ కి ప‌రిచ‌య‌మైంది దిశ‌. తెలుగువాళ్లెవ్వ‌రూ ఈ భామ‌ని ప‌ట్టించుకోలేదు. కానీ బాలీవుడ్ లో మాత్రం వ‌రుస సినిమాల‌తో దూసుకెపోతోంది. ఆ క్రేజ్‌తోనే.. హిందీ `ఛ‌త్ర‌పతి`లోనూ చోటు సంపాదించుకుంది. హీరోయిన్ గా బాలీవుడ్ టాప్ స్టార్‌ల‌లో ఒక‌రిని ఎంచుకోవాల‌ని చిత్ర‌బృందం గ‌ట్టిగా ప్ర‌య‌త్నించింది. అందుకే శ్ర‌ద్దా క‌పూర్‌, కైరా.. లాంటి వాళ్ల వ‌ర‌కూ ఈ క‌థ వెళ్లింది. అయితే.. తాజా స‌మీక‌ర‌ణాల దృష్ట్యా… దిశా ప‌టానికే చిత్ర‌బృందం ఓటేసింది. త్వ‌ర‌లోనే అధికారిక ప్ర‌క‌ట‌న రావొచ్చు.