చిరంజీవి – కొర‌టాల శివ కాంబినేష‌న్‌లో `ఆచార్య‌` రూపొందుతున్న సంగ‌తి తెలిసిందే. రామ్ చ‌ర‌ణ్ ఇందులో ఓ కీల‌క‌మైన పాత్ర పోషిస్తున్నాడు. ఆమ‌ధ్య టీజ‌ర్ కూడా విడుద‌ల చేశారు. ఈ టీజ‌ర్‌లో చిరు త‌ప్ప ఇంకెవ్వ‌రూ క‌నిపించ‌లేదు. సిద్ద‌గా.. చ‌ర‌ణ్ ఎంట్రీ ఎప్పుడ‌న్న‌ది ఆస‌క్తిక‌ర‌మైన ప్ర‌శ్న‌, చ‌ర‌ణ్‌కి సంబంధించిన చిత్రీక‌ర‌ణ కూడా దాదాపుగా పూర్తి కావొస్తోంది. ఈ సంద‌ర్భంగా `ఆచార్య‌` నుంచి సిద్ధ లుక్ బ‌య‌ట‌కు రాబోతోంది. ఈ మ‌హా శివ‌రాత్రికి చ‌ర‌ణ్ లుక్ ని విడుద‌ల చేసే ప‌నిలో ప‌డింది చిత్ర‌బృందం. ఇప్పుడు ప్రీ లుక్ కూడా విడుద‌ల చేసి ఊరిస్తోంది. శివ‌రాత్రికి చ‌ర‌ణ్ లుక్ మాత్ర‌మే ఉంటుందా? లేదంటే.. టీజ‌ర్ లాంటిది కూడా చూపిస్తారా? అనే మ‌రో కుతూహ‌లం కూడా తోడైంది. కొర‌టాల శివ అయితే.. చ‌ర‌ణ్ పాత్ర‌ని టీజ‌ర్ రూపంలో ప‌రిచ‌యం చేయాల‌ని భావిస్తున్నాడ‌ట‌. మే 13న ఆచార్య విడుద‌ల అవుతున్న సంగ‌తి తెలిసిందే. కాజ‌ల్‌, పూజా హెగ్డే క‌థానాయిక‌లు.