త‌మిళ‌నాడు అసెంబ్లీ ఎన్నిక‌లు జ‌రుగుతున్న రోజు… విజ‌య్ సైకిల్ ఎక్క‌డం సంచ‌ల‌నం సృష్టించింది. బీజేపీ ప్ర‌భుత్వం పెంచుతున్న పెట్రోల్ ధ‌ర‌ల‌కు నిర‌స‌న‌గా.. విజ‌య్ – ఈ ప్ర‌య‌త్నం చేశాడ‌న్న‌ది తెల‌ప‌క‌నే తెలుస్తోంది. ఇప్పుడు సోనూసూద్ కూడా సైకిల్ ఎక్కాడు. అయితే సోనూ ఆలోచ‌న‌లు వేరు. విజ‌య్ ప్ర‌య‌త్నంలో నిర‌స‌న ఉంటే, సోనూ సైకిల్ ప్ర‌యాణంలో ఆరోగ్య సూత్రాలు దాగున్నాయి.
ఆచార్య‌లో సోనూ.. ఓ కీల‌క పాత్ర‌లో న‌టిస్తున్న సంగ‌తి తెలిసిందే. ప్ర‌స్తుతం కోకా పేట‌లో తీర్చిదిద్దిన ఓ సెట్లో షూటింగ్ జ‌రుగుతోంది. సోనూ… పార్క్ హ‌య‌త్ లో విడిది చేస్తున్నాడు. అక్క‌డి నుంచి లొకేష‌న్ కు,.. సైకిల్ పై బ‌య‌ల్దేరాడు సోనూ. దాదాపు అర‌గంట.. సైకిల్ తొక్కి, లొకేష‌న్‌కి చేరుకున్నాడు. సోనూకి సైక్లింగ్ అంటే చాలా ఇష్టం. పైగా.. ఉద‌యాన్నే సెట్ కి వెళ్లాల్సిన అవ‌స‌రం వ‌చ్చింది. అందుకే సైకిల్ ఎక్కాడు. అటు వ్యాయామం, ఇటు.. ప్ర‌యాణం రెండూ క‌లిసొచ్చేశాయి.
