రామ్ చ‌ర‌ణ్ – శంక‌ర్ కాంబినేష‌న్‌లో సినిమా అన‌గానే… అభిమానులు ఎగిరి గంతేశారు. ఎందుకంటే.. చిరంజీవికి ఎప్ప‌టి నుంచో శంక‌ర్ తో ఓ సినిమా చేయాల‌న్న‌ది కోరిక‌. అది తీర‌లేదు. మ‌ధ్య‌లో ఓసారి ఛాన్స్ వ‌స్తే.. కుద‌ర్లేదు. భ‌విష్య‌త్తులో ఈ కాంబో సెట్ట‌య్యేఅవ‌కాశాలు కూడా లేవు. అందుకే… చ‌ర‌ణ్ తో అయినా శంక‌ర్ సినిమా చేస్తున్నాడ‌ని సంతోషించారు.

అయితే ఇప్పుడు ఆ ఫ్యాన్సే.. చ‌ర‌ణ్ ఈ సినిమా ఒప్పుకుని త‌ప్పు చేశాడా? అంటూ అనుమానాలు వ్య‌క్తం చేస్తున్నారు. శంక‌ర్ ప‌రిస్థితి అలా వుంది మ‌రి. వ‌రుస‌గా కోర్టు గొడ‌వ‌లు. నిర్మాత‌ల‌తో త‌గాదాలతో శంక‌ర్ త‌ల్ల‌డిల్లుతున్నాడు. భార‌తీయుడు 2 పూర్త‌య్యే వ‌ర‌కూ మ‌రో సినిమా చేయ‌కూడ‌ద‌ని లైకా మోకాలు అడ్డుతోంది. శంక‌ర్ కూడా `భార‌తీయుడు 2 పూర్తి చేసే తీర‌తాను` అంటున్నాడు. శంక‌ర్ కి మ‌రో మార్గం కూడా లేదు. జూన్ – జులై నుంచి ఈ సినిమా పునః ప్రారంభం అవ్వొచ్చు. ఈ సినిమా సెట్స్‌పైకి వెళ్లేంత వ‌ర‌కే శంక‌ర్ చేతుల్లో ఉంటుంది. ఎప్పుడు పూర్త‌వుతుందో.. త‌న‌కు కూడా తెలీదు. ఎందుకంటే టెక్నిక‌ల్ రీజ‌న్స్ ఆ స్థాయిలో ఉన్నాయి. నిర్మాత‌లు ఇప్ప‌టికే ఈ సినిమాకి కేటాయించాల్సిందంతా కేటాయించేశారు. అద‌నంగా ఒక్క పైసా కూడా ఇవ్వ‌రు. నిర్మాత‌ల‌తో శంక‌ర్ కి స‌ఖ్య‌త లేదు. కాబ‌ట్టి.. ఈ సినిమా అలా వాయిదాల ప‌ర్వం కొన‌సాగిస్తూనే ఉంటుంది. ఇది ఎప్పుడు పూర్త‌వుతుంది? చ‌ర‌ణ్ తో సినిమా ఎప్పుడు మొద‌ల‌వుతుంది?

ఆర్‌.ఆర్‌.ఆర్ త‌ర‌వాత‌… చ‌ర‌ణ్ శంక‌ర్ కే క‌మిట్ అయ్యాడు. క‌నీసం ఈ యేడాది చివ‌ర్లో అయినా ఈ ప్రాజెక్టు మొద‌ల‌వుతుంద‌న్న‌ది చ‌ర‌ణ్ ఆశ‌. కానీ.. ఆ ల‌క్ష‌ణాలేం క‌నిపించ‌డం లేదు. చ‌ర‌ణ్ సినిమా మొద‌లెట్టినా.. మధ్య‌లో ఎన్ని అవాంత‌రాలు వ‌స్తాయో? ఎందుకైనా మంచిది.. చ‌ర‌ణ్ మ‌రో ఆప్ష‌న్ కూడా పెట్టుకుంటే మంచిదేమో..?