క‌రోనా… టాలీవుడ్ చుట్టూనే తిరుగుతున్న‌ట్టుంది. వ‌రుస‌గా సినీ తార‌లంతా కోవిడ్ బారిన ప‌డుతున్నారు. నిన్న.. ప‌వ‌న్‌క‌ల్యాణ్ కి క‌రోనా సోకితే.. ఈరోజు సోనూసూద్ వంతు వ‌చ్చింది. సోనూసూద్ క‌రోనా బారిన ప‌డ్డారు. ఈ విష‌యాన్ని సోనూ ట్విట్ట‌ర్ ద్వారా తెలియ‌జేశారు. ప్ర‌స్తుతం ఐసొలేష‌న్ లో ఉన్నాన‌ని, ఆరోగ్యం నిల‌క‌డ‌గానే ఉంద‌ని, కంగారు ప‌డాల్సిన అవ‌స‌రం లేద‌ని సోనూ ప్ర‌క‌టించారు.
క‌రోనా స‌మ‌యంలో సోనూసూద్ ఎంతోమందికి స‌హాయం చేశారు. వ‌ల‌స‌కూలీల‌ను ఇళ్ల‌కు పంపారు. అప్ప‌టి నుంచీ సోనూపై హీరో వ‌ర్షిప్ పెరుగుతూ వ‌చ్చింది. ఇప్పుడు ఆయ‌న్ని కూడా కోవిడ్ వ‌ద‌ల్లేదు. సోనూకి కోరోనా సోక‌డంతో.. ఆచార్య టీమ్ ఎలెర్ట్ అయ్యింది. ఆచార్య లో సోనూ ఓ కీల‌క మైన పాత్ర పోషిస్తున్న సంగ‌తి తెలిసిందే. ఈసినిమా కోస‌మే ఆయ‌న హైద‌రాబాద్ లో ఉంటున్నారు. ఇటీవ‌ల ఆచార్య సెట్ కి సైకిల్ పై కూడా వెళ్లొచ్చారు. సోనూకి క‌రోనా సోక‌డంతో.. ఆచార్య‌లోని మిగిలిన స‌భ్యులంతా ఇప్పుడు కోవిడ్ ప‌రీక్ష‌లు చేయించుకుంటున్నారు.
