రంగ‌స్థ‌లం నుంచీ మైత్రీ మూవీస్‌కీ, సుకుమార్ కీ మ‌ధ్య అనుబంధం మొద‌లైంది. ఆ సినిమా సూప‌ర్ హిట్ కావ‌డంతో… ఈ బంధం బ‌ల‌ప‌డింది. అప్ప‌టి నుంచీ మైత్రీ నుంచి వ‌స్తున్న ప్ర‌తీ సినిమాలోనూ సుకుమార్ ప్ర‌త్య‌క్ష‌, ప‌రోక్ష స‌హ‌కారం ఉంటూనే ఉంటోంది. `ఉప్పెన‌` గురించి చెప్పాల్సిన ప‌నిలేదు. మైత్రీకి ద‌క్కిన మ‌రో సూప‌ర్ హిట్ ఇది. దీనికి క‌ర్త క‌ర్మ క్రియ అన్నీ.. సుకుమారే.

ఉప్పెన హీరో వైష్ణ‌వ్ తేజ్ తో మైత్రీ మూవీస్ మ‌రో రెండు సినిమాలు చేయ‌బోతోంది. దీనికి సంబంధించిన బాధ్య‌త‌ల‌కు కూడా సుకుమార్ పైనే వేసింది మైత్రీ మూవీస్‌. వైష్ణ‌వ్ కి స‌రిప‌డ‌.. క‌థ సెట్ చేయ‌డం, ద‌ర్శ‌కుడ్ని టీమ్ అప్ చేయ‌డం సుకుమార్ బాధ్య‌త‌. అవ‌స‌ర‌మైతే.. ఈ రెండు సినిమాల్లోనూ సుకుమార్ కి వాటా ఇవ్వ‌డానికి మైత్రీ రెడీగా ఉంది. సుకుమార్ కూడా.. వైష్ష‌వ్ కోసం క‌థ‌లు విన‌డానికి, త‌న వంతు ఇన్‌పుట్స్ ఇవ్వ‌డానికి ఉత్సాహంగానే ఉన్నాడ‌ట‌. సో.. రాబోయే రోజుల్లోనూ వీరిద్ద‌రి మైత్రీ ఇంకా స్ట్రాంగ్ గా మార‌బోతోంద‌న్న‌మాట‌.