`ఇస్మార్ట్ శంకర్‌`తో ఓ సూప‌ర్ హిట్టుకొట్టాడు రామ్. `రెడ్‌` ఓకే అనిపించింది. ఇప్పుడు లింగు స్వామి ద‌ర్శ‌క‌త్వంలో ఓ సినిమా చేయ‌బోతున్నాడు. లింగు స్వామి ఎప్పుడూ డిఫరెంట్ జోన‌ర్లే ఎంచుకుంటాడు. అయితే ఈసారి మాత్రం రామ్ కోసం ఫ్యాక్ష‌న్ నేప‌థ్యంలో క‌థ‌ని రాసుకున్నాడ‌ని టాక్‌. `పందెం కోడి`తో లింగు స్వామి స్టామినా తెలిసింది. అదో ఫ్యాక్ష‌న్ క‌థ‌. ఆ త‌ర‌వాత‌.. `పందెం కోడి 2` తీశాడు. ఈమ‌ధ్య‌లో ఫ్యాక్ష‌న్ క‌థ‌ల జోలికి వెళ్ల‌లేదు. ఈసారి మాత్రం రామ్ కోసం ఆ జోన‌ర్ ని సెట్ చేశాడు. తెలుగులో ఓ ద‌శ‌లో ఫ్యాక్ష‌న్ క‌థ‌ల మోత మోగింది. ఈ జోన‌ర్ లో ప్ర‌తీ హీరో ఓ క‌థ చేసేశాడు. ఆ త‌ర‌వాత‌… ఈ క‌థ‌ల‌పై బోర్ కొట్టింది. ఎవ‌రూ… ఫ్యాక్ష‌న్ జోలికి వెళ్ల‌డం లేదు. అయితే ఇంత‌కాలానికి రామ్ మ‌ళ్లీ ఆ ప్ర‌య‌త్నం చేస్తున్నాడు. ఈ చిత్రంలో క‌థానాయిక‌గా కృతి శెట్టి ఎంపికైంది. మ‌రో హీరోయిన్ కీ ఛాన్సుంద‌ని తెలుస్తోంది. మ‌రి… ఆ ప్లేసు ఎవ‌రికి ద‌క్కుతుందో చూడాలి.