సూర్య తెలుగులో ఓ సినిమా చేయ‌బోతున్నాడ‌ని, దానికి బోయ‌పాటి శ్రీ‌ను ద‌ర్శ‌క‌త్వం వ‌హిస్తార‌ని తెలుగు 360 ముందే చెప్పింది. ఇప్పుడు త్రివిక్ర‌మ్ సైతం సూర్య కోసం ఓ క‌థ సిద్ధం చేస్తున్న‌ట్టు స‌మాచారం. నిజానికి ఇదివ‌ర‌కెప్పుడో ఈ కాంబినేష‌న్ గురించిన చ‌ర్చ సాగింది. త్రివిక్ర‌మ్ ద‌ర్శ‌క‌త్వంలో సూర్య న‌టిస్తార‌ని ప్ర‌చారం జ‌రిగింది. సూర్య‌కూడా చాలాసార్లు ఈ విష‌యాన్ని ప్ర‌స్తావించారు. `త్రివిక్ర‌మ్ తో చేయాల‌ని వుంది.. క‌థ కుదిరితే త‌ప్ప‌కుండా చేస్తా` అని చెప్పాడు కూడా. అచితూ టాలీవుడ్ లోని టాప్ హీరోలంతా త్రివిక్ర‌మ్ వెంట ప‌డ‌డంతో అది కుద‌ర్లేదు. ఇప్పుడు అందుకు మార్గం సుగ‌మం అయ్యింద‌ని తెలుస్తోంది. సూర్య కోసం త్రివిక్ర‌మ్ ఓ క‌థ సిద్ధం చేశార్ట‌. ప్ర‌స్తుతం మ‌హేష్ బాబు తో ఓ సినిమా చేస్తున్నాడు త్రివిక్ర‌మ్. త్వ‌ర‌లోనే ఈ సినిమా సెట్స్‌పైకి వెళ్ల‌నుంది. ఆ త‌ర‌వాతి సినిమా సూర్య‌తోనే అని స‌మాచారం. అటు బోయ‌పాటి, ఇటు త్రివిక్ర‌మ్.. వీరిద్ద‌రూ సూర్య‌తో సినిమాలు చేయ‌డం దాదాపుగా ఖాయం. అయితే.. ఎవ‌రిది ముందు? ఎవ‌రిది త‌ర‌వాత‌? అనేది తెలియాలంటే ఇంకొంత కాలం ఆగాల్సిందే.