శ‌ర్వానంద్ క‌థానాయ‌కుడిగా శ్రీ‌కార్తీక్ ద‌ర్శ‌క‌త్వంలో ఓ చిత్రం రూపుదిద్దుకుంటోంది. రీతూ వ‌ర్మ క‌థానాయిక‌. అమ‌ల అక్కినేని కీల‌క పాత్ర‌ధారి. ఈ చిత్రానికి `ఒకే ఒక జీవితం` అనే టైటిల్ ఫిక్స్ చేశారు. ఈరోజు కాన్సెప్ట్ పోస్ట‌ర్ కూడా విడుద‌ల చేశారు. శ‌ర్వా… భుజానికి ఓ గిటార్ బ్యాగ్ త‌గిలించుకున్న ఫొటోని విడుద‌ల చేశారు. పోస్ట‌ర్ లో.. ఆడియో క్యాసెట్ల నుంచి మొద‌లై.. స్మార్ట్ ఫోన్ల వ‌ర‌కూ మారిన జీవ‌న చ‌క్రం క‌నిపిస్తోంది. దాన్ని బ‌ట్టి – ఈ క‌థ కాన్సెప్ట్ ఏమిటో అర్థం చేసుకోవొచ్చు. వినోదంతో పాటు కుటుంబ బంధాల‌కూ పెద్ద పీట వేశామ‌ని చిత్ర‌బృందం చెబుతోంది. ప్ర‌పంచాన్ని అన్వేషించ‌డానికి బ‌య‌ల్దేరిన ఓ అన్వేష‌కుడి పాత్ర‌లో శ‌ర్వా క‌నిపిస్తాడ‌ని స‌మాచారం. యువ ద‌ర్శ‌కుడు త‌రుణ్ భాస్క‌ర్ ఈ చిత్రానికి సంభాష‌ణ‌లు అందించ‌డం విశేషం. శ‌ర్వా న‌టించిన 30వ సినిమా ఇది. షూటింగ్ ఇప్ప‌టికే పూర్త‌యింది. త్వ‌ర‌లోనే టీజ‌ర్ ని విడుద‌ల చేస్తారు.