కేజీఎఫ్‌తో ఒక్క‌సారిగా స్టార్ గా మారిపోయాడు క‌న్న‌డ హీరో. య‌ష్‌. ఇప్పుడు తాను పాన్ ఇండియా స్టార్‌. కేజీఎఫ్ 2 కోసం.. దేశ‌మంతా ఆస‌క్తిగా ఎదురుచూస్తోంది. అలాంటి య‌ష్‌పై బోయ‌పాటి శ్రీ‌ను దృష్టి ప‌డింది. బోయ‌పాటి ద‌గ్గ‌ర ఓ మంచి మాస్‌, క‌మ‌ర్షియ‌ల్, యాక్ష‌న్ క‌థ ఉంది. దాన్ని య‌ష్ తో చేస్తే ఎలా ఉంటుందా? అని ఆలోచిస్తున్న‌ట్టు టాక్‌. అఖండ త‌ర‌వాత‌.. బోయ‌పాటి శ్రీ‌ను సినిమా ఏదీ ఫిక్స‌వ్వ‌లేదు. కాక‌పోతే.. క‌థ మాత్రం రెడీగా ఉంది. ఆ క‌థ‌కి య‌ష్ సెట్ అవుతాడ‌ని బోయ‌పాటి శ్రీ‌ను భావిస్తున్నాడ‌ట‌. మ‌రోవైపు సూర్య‌తో బోయ‌పాటి శ్రీ‌ను ఓ సినిమా చేయ‌బోతున్నాడ‌ని ప్ర‌చారం జ‌రుగుతోంది. కాక‌పోతే… అది మ‌రో క‌థ‌. మొత్తానికి `అఖండ‌` అవ్వ‌గానే బోయ‌పాటి పొరుగు హీరోతోనే సినిమా చేస్తాడ‌ట‌. అది మాత్రం ఖాయం. అది సూర్య‌నా? య‌ష్ నా? అనేది తేలాల్సివుంది. ప్ర‌స్తుతం `అఖండ‌` షూటింగ్ హైద‌రాబాద్ లో జ‌రుగుతోంది. ఈ షెడ్యూల్ తో షూటింగ్ మొత్తం పూర్త‌వుతుంది.