ఒకొక్క‌డినీ కాదు షేర్ ఖాన్‌… ఒకేసారి వంద మందిని పంపు
– మ‌గ‌ధీర‌లోని పాపుల‌ర్ డైలాగ్ ఇది. ఇప్ప‌టికీ ఏదో ఓ రూపంలో వినిపిస్తూనే ఉంది. వంద మందితో చ‌ర‌ణ్ ఢీ కొట్టిన ఆ ఫైట్… మ‌గ‌ధీర కే హైలెట్. ఇప్పుడు అలాంటి ఫైట్ RRR లోనూ ఉంది. అయితే ఈసారి.. ఆ వంద‌మందితో త‌ల‌ప‌డేది రామ్ చ‌ర‌ణ్ కాదు. ఎన్టీఆర్‌.

ఆర్‌.ఆర్‌.ఆర్‌లో ఓ భారీ యాక్ష‌న్ ఎపిసోడ్ ఉంది. అందులో వంద‌మంది బ్రిటీష‌ర్ల‌తో.. ఎన్టీఆర్ త‌ల‌ప‌డే స‌న్నివేశం ఉంది. ఈయాక్ష‌న్ సీన్‌.. ఆర్‌.ఆర్‌.ఆర్‌కే హైలెట్ గా ఉండ‌బోతోంద‌ని తెలుస్తోంది. ఈ ఫైట్ కోసం ఏకంగా 20 రోజులు క‌ష్ట‌ప‌డింద‌ట చిత్ర‌బృందం. ఆర్‌.ఆర్‌.ఆర్ ని ఖ‌రీదైన ఎపిసోడ్ల‌లో ఇదే ప్ర‌ధ‌మ స్థానంలో నిల‌వ‌బోతోంద‌ని స‌మాచారం. అస‌లే జ‌క్క‌న్న యాక్ష‌న్ ఎపిసోడ్ల‌ని ఓ రేంజ్ లో తీర్చిదిద్దుతాడు. యాక్ష‌న్ ఎపిసోడ్ కి ముందు.. ఎమోష‌న్ ని పిండేస్తాడు. ఈ సీన్‌లోనూ అదే జ‌ర‌గ‌బోతోంద‌ని, టాలీవుడ్ చ‌రిత్ర‌లోనే ఇది ఖ‌రీదైన ఫైట్ కాబోతోంద‌ని ఇన్ సైడ్ వ‌ర్గాల టాక్‌.