తెలుగు చిత్ర‌సీమ‌లో ఓ క్లాసిక్ ‘స్వాతిముత్యం’. క‌మ‌ల్ – విశ్వ‌నాథ్ చేసిన అద్భుతం ఆ సినిమా. ఇప్పుడు ఈ టైటిల్ ని గుర్తు చేస్తున్నాడు బెల్లంకొండ గణేష్. త‌ను క‌థానాయ‌కుడిగా సితార ఎంట‌ర్‌టైన్‌మెంట్స్ సంస్థ ఓ చిత్రాన్ని నిర్మిస్తున్న సంగ‌తి తెలిసిందే. ల‌క్ష్మ‌ణ్ కె.కృష్ణ ద‌ర్శ‌కుడు. సూర్య‌దేవ‌ర నాగ వంశీ నిర్మాత. ఈ చిత్రానికి ‘స్వాతిముత్యం’ అనే పేరు ఖ‌రారు చేశారు. ఆ స్వాతి ముత్యానికీ, ఈ స్వాతిముత్యానికీ క‌థ‌తో సంబంధం లేదు గానీ – హీరో క్యారెక్ట‌రైజేష‌న్ మాత్రం `స్వాతిముత్యం`లాంటిద‌ట. అందుకే ఆ పేర‌కు పెట్టారు.
ఈ రోజు గణేష్ పుట్టిన రోజు సంద‌ర్భంగా ఫ‌స్ట్ లుక్ కూడా బ‌య‌ట‌కు వ‌చ్చింది. సాఫ్ట్ వేర్ ఉద్యోగి గెట‌ప్ లో.. మెళ్లో లాప్ టాప్ బ్యాగ్ వేసుకుని క్లాసిటీ క‌నిపిస్తున్నాడు గణేష్. వర్ష బొల్ల‌మ్మ క‌థానాయిక‌గా న‌టిస్తోంది. షూటింగ్ చివ‌రి ద‌శ‌కు చేరుకుంది. త్వ‌ర‌లోనే టీజ‌ర్ ని విడుద‌ల చేస్తారు. మ‌హ‌తి విద్యాసాగ‌ర్ ఈ చిత్రానికి సంగీతం అందిస్తున్నారు.
