చిరంజీవి, రజనీకాంత్, కమల్ హాసన్.. ఇలా ఒకరు కాదు.. చాలా మంది సూపర్ హీరోస్ వెనుక కామన్ గా ఓ గొంతు వుంది. అదే ఎస్పీ బాలసుబ్రహ్మణ్యం. సుమారు నాలుగు దశాబ్దాలు బాలు పాట.. హీరోల ఆట అన్నట్టుగా సాగింది. ఇప్పుడు బాలు లేరు. కానీ ఆయన పాట వుంది. మామూలు కాదు.. ట్రెండింగ్ లో వుంది. అదీ రజనీ కొత్త సినిమా రూపంలో. శివ దర్శకత్వంలో రజనీ హీరోగా తెరకెక్కిన చిత్రం ‘అన్నాత్త’. నయనతార, కీర్తిసురేష్‌ హీరోయిన్స్. ఇమాన్‌ సంగీతం.

తాజాగా ఈ సినిమా సింగల్‌ ట్రాక్‌ విడుదలైంది. పాట పాడింది ఎస్పీబీ. ఇదే ఆయన రజనీ కోసం చివరిగా రికార్డ్ చేసిన పాట. ఈ పాట పై రజనీ ట్వీట్ చేశారు.‘‘నాలుగు దశాబ్దాలు పాటు ఎస్పీబీ నా స్వరంగా జీవించారు. నా కోసం పాడిన ఈ పాటే ఆయన ఆఖరి పాట అవుతుందని కలలో కూడా ఊహించలేదు’’అని రాసుకొచ్చారు. ఇక పాట విషయానికి పక్కా మాస్ బీట్ ఇది. ఎస్పీబీ చాలా హుషారుగా ఆలపించారు. రజనీ ఫ్యాన్స్ పిచ్చి పిచ్చిగా ఎంజాయ్ చేస్తున్నారు. ”ఎస్పీబీ సర్ వి మిస్ యూ.. సాంగ్ వీరలెవెల్” అని కామెంట్లు పెడుతున్నారు. ఎస్పీబీ పాడటం తగ్గించుకున్నా.. రజనీ కాంత్ కి మాత్రం ఖచ్చితంగా పాడేవారు. రజనీ రీసెంట్ సినిమాలు పేట, దర్బార్ లో బాలు పాడిన టైటిల్ ట్రాక్స్ సూపర్ హిట్ గా నిలిచాయి. ఇప్పుడు ‘అన్నాత్త’ టైటిల్ ట్రాక్ కూడా అటు రజనీ ఫ్యాన్స్ కి ఇటు బాలు ఫ్యాన్స్ కి హుషారు ని పంచింది.