`ల‌వ్ స్టోరీ`తో ఓ డీసెంట్ హిట్ ని త‌న ఖాతాలో వేసుకున్నాడు నాగ‌చైత‌న్య‌. ఇప్పుడు `థ్యాంక్యూ`తో బిజీ. ఓ వైపు `బంగార్రాజు` కూడా ఉంది. దాంతో పాటు… విక్ర‌మ్ కె.కుమార్ తో వెబ్ సిరీస్ ప్లాన్ చేస్తున్నాడు. దాంతో పాటు కొత్త క‌థ‌లూ వింటున్నాడు. తాజాగా నందినిరెడ్డి చెప్పిన క‌థ‌కు చైతూ ఓకే చెప్పేశాడు. ఈచిత్రాన్ని వైజ‌యంతీ మూవీస్ సంస్థ నిర్మించ‌నుంది. నందినిరెడ్డి సంతోష్ శోభ‌న్ తో ఓ సినిమా చేస్తోంది. అది ప్ర‌స్తుతం చిత్రీక‌ర‌ణ ద‌శ‌లో ఉంది. అది అవ్వ‌గానే చైతూ సినిమా మొద‌లెడుతుంది.

`థ్యాంక్యూ` చిత్రీక‌ర‌ణ దాదాపుగా పూర్త‌యిన‌ట్టే. `బంగార్రాజు` కోసం చైతూ 20 నుంచి 25 రోజుల కాల్షీట్లు ఇస్తే స‌రిపోతుంది. ఆ త‌ర‌వాత‌.. నందినిరెడ్డి సినిమా ప‌ట్టాలెక్కే అవ‌కాశం ఉంది. ఇంద్ర‌గంటి మోహ‌న కృష్ణ‌కూడా చైతూతో ఓ సినిమా చేయాల‌నుకుంటున్నాడు. కానీ.. క‌థ ఇప్ప‌టి వ‌ర‌కూ సెట్ కాలేదు. మ‌రోవైపు నందినిరెడ్డి వైజ‌యంతీ మూవీస్ ద‌గ్గ‌ర ఎప్పుడో అడ్వాన్స్ తీసుకుంది. విజ‌య్ దేవ‌ర‌కొండ‌తో వైజ‌యంతీ మూవీస్ ఓసినిమా చేయాల్సింది.కానీ కుద‌ర్లేదు. విజ‌య్ గ‌నుక అందుబాటులో ఉంటే.. ఆ సినిమా నందినిరెడ్డితోనే ప‌ట్టాలెక్కేది. విజ‌య్ దొరక్క‌పోవ‌డంతో చైతూతో ఈ సినిమా ప‌ట్టాలెక్కించాల్సివ‌స్తోంది.