ర‌వితేజ క‌థానాయ‌కుడిగా న‌టిస్తున్న చిత్రం ధ‌మాకా. త్రినాథ‌రావు న‌క్కిన ద‌ర్శ‌కుడు. ఇటీవ‌లే క్లాప్ కొట్టుకుంది. ఈ సినిమా స్టోరీలైన్ చూచాయిగా బ‌య‌టకు వ‌చ్చేసింది. ఇదో క‌న్‌ఫ్యూజ్ డ్రామా అట‌. ఇందులో ఇద్ద‌రు ర‌వితేజ‌లు ఉంటారు. కానీ డ్యూయ‌ల్ రోలా, ఒక‌డే ఇద్ద‌రుగా న‌టిస్తున్నాడా? అనేది ఇంట్ర‌వెల్ వ‌ర‌కూ తెలీద‌ట‌. ఆ తెలుసుకోవ‌డ‌మే ఇంట్ర‌వెల్ బ్యాంగ్. ఈమ‌ధ్య‌లో పండే క‌న్‌ఫ్యూజ‌న్ డ్రామా.. భ‌లే న‌వ్విస్తుంద‌ని ఆ ఎపిసోడ్లు న‌చ్చే ర‌వితేజ ఈసినిమాకి ఓకే చెప్పాడ‌ని టాలీవుడ్ లో టాక్ వినిపిస్తోంది. క‌వ‌ల సోద‌రుల క‌థ‌, ఒక్క‌డే ఇద్ద‌రిగా న‌టించ‌డం.. ఇవి రెండూ టాలీవుడ్ కి కొత్త కాదు. కానీ… వాటితో పాటుగా ఈ సినిమాలో మ‌రో ఆస‌క్తిక‌ర‌మైన పాయింట్ ఉంద‌ని, అది ఈ ధ‌మాకాకి బ‌ల‌మ‌ని చిత్ర‌బృందం న‌మ్ముతోంది. త్రినాథ‌రావు న‌క్కిన‌కి కామెడీ బాగా తీస్తాడ‌ని పేరుంది.ర‌వితేజ ఇలాంటి సీన్ల‌ని ఉతికి ఆరేస్తాడు.కాబ‌ట్టి… బాక్సాఫీసు ద‌గ్గ‌ర ఈ కాంబో ఈజీగా పాస్ అయిపోతుంద‌న్న న‌మ్మ‌కం ఉంది. ప్ర‌స‌న్న ఈ చిత్రానికి క‌థ‌, మాట‌లు అందించాడు. అందుకోసం ఏకంగా రూ.2 కోట్లు పారితోషికం తీసుకున్నాడ‌న్న టాక్ వినిపిస్తోంది. ఆ లెక్క‌న ఇప్పుడు టాలీవుడ్ లో అత్య‌ధిక పారితోషికం తీసుకుంటున్న ర‌చ‌యిత ప్ర‌స‌న్నే అవుతాడు మ‌రి.