తెలంగాణ సీఎం కేసీఆర్ మరోసారి గంటన్నర సేపు ప్రెస్ మీట్ పెట్టారు. మంత్రివర్గ సమావేశం నిర్వహించిన తర్వాత అందులో తీసుకున్న నిర్ణయాలపై ఈ ప్రెస్ మీట్ పెట్టలేదు. కేవలం బీజేపీని తి‌ట్టడానికే ప్రెస్‌మీట్ పెట్టినట్లుగా ఉంది. తన గంటన్న ప్రెస్‌మీట్ సారాంశం మొత్తం సింగిల్ పాయింట్‌లో చెప్పాలంటే.. యాసంగిలో ధాన్యం కొనుగోలు కేంద్రాలు ఉండవు. రైతులు ఎవరైనా పండించుకున్నా ఎవరికి వారు అమ్ముకోవాలి. ఇది చెప్పాల్సిన మాట సూటిగా చెప్పారు కానీ.. ఇదంతా బీజేపీ వల్లే అని చెప్పడానికి మిగతా సమయం అంతా కేటాయించారు. బీజేపీని చెడా మడా తిట్టేశారు.

ఢిల్లీకి వెళ్తే బిచ్చగాళ్లలాగా చూస్తున్నారని విమర్శించారు. కిషన్ రెడ్డిని చేతకాని దద్దమ్మగా అభివర్ణించారు. బీజేపీ రైతు హత్యల ప్రభుత్వంగా మాట్లాడారు. తన ప్రసంగంలో 90 శాతం బీజేపీని విమర్శించడానికే సరిపోయింది. వరి పండించవద్దని అనుకుంటే ప్రత్యామ్నాయ పంటల గురించి ప్రకటించి.. వాటికి మద్దతు ధర ఇస్తే ఎక్కువ మంది పాటిస్తారని అంచనా వేశారు. కానీ కేసీఆర్ తన ప్రెస్మీట్‌లో ప్రత్యామ్నాయ పంటల గురించే చెప్పలేదు. దీంతో రైతుల్లో విస్మయం అవుతుంది. మొత్తంగా చూస్తే వచ్చే యాసంగిలో వరి ధాన్యం కొనే పరిస్థితి లేదు.

ఈ వైఫల్యాన్ని బీజేపీకి అంటించేందుకు శతవిధాలా చేస్తున్న ప్రయత్నాలకు కేసీఆర్ .. ఫినిషింగ్ టచ్ ఇచ్చారనుకోవాలి. కానీ బీజేపీ నేతలు మాత్రం తాను చేయాలనుకున్నది చేస్తున్నారు. ఈ సారి ప్రెస్ మీట్ విశేషం ఏమిటంటే బండి సంజయ్ నుంచి లైట్ తీసుకుని.. కిషన్ రెడ్డిని టార్గెట్ చేయడం. కేసీఆర్ టార్గెట్ చేయడం ల్ల బండి సంజయ్‌కు ఫోకస్ వచ్చింది. ఈ సారి కిషన్ రెడ్డికి చాన్సిచ్చారు.