సంక్రాంతి బరికి సిద్దమౌతున్న మరో సినిమా నాగార్జున ‘బంగార్రాజు’. సోగ్గాడే చిన్ని నాయనాకు ఫ్రీక్వెల్ గా తెరకెక్కిన ఈ సినిమాలో నాగచైతన్య కూడా ప్రధాన పాత్ర పోహిస్తున్నాడు. ఇప్పటికే చైతు పై విడుదల చేసిన టీజర్ ఆకట్టుకుంది. తాజాగా ఈ సినిమా నుంచి ఓ లవ్లీ సాంగ్ బయటికి వచ్చింది. “నా కోసం మారావా నువ్వు .. లేక నన్నే మార్చేశావా నువ్వు” అంటూ సాగిన ఈ పాటని సిద్ శ్రీరాం అలపించాడు. సిద్ శ్రీరామ్ పాటలన్నీ చార్ట్ బస్టర్ గా నిలిస్తున్నాయి. ఈ పాటకు కూడా హిట్ లక్షణాలు కనిపిస్తున్నాయి. ముఖ్యంగా యువతకు నచ్చేలా వుంది.
ఈ పాట కోసం చాలా కూల్ ట్యూన్ ని కంపోజ్ చేశాడు అనూప్ రూబెన్స్. ‘నవ్వులే చల్లావు, పంచుకోమన్నావు.. తొలకరి చిరుజల్లై నీవు,.,. కళ్ళకే దొరికావు.,. రంగులా మెరిశావు.. నేలపై హరివిల్లా నీవు..” అంటూ లవ్లీ రిలిర్స్ తో సాగిన ఈ పాట మెలోడియస్ గా వుంది. పాటలో మాంటేజ్ చూస్తుంటే చైతు కృతిల కెమిస్ట్రీ చక్కగా కుదిరినట్లు అర్ధమౌతుంది. కల్యాణ్ కృష్ణ దర్శకత్వం వహిస్తున్న సినిమా ఇది. ‘సోగ్గాడే చిన్ని నాయన’ సినిమాలో బంగార్రాజు పాత్ర వినోదాన్ని పంచిన సంగతి తెలిసిందే. ఇప్పుడు అదే పాత్రతో సినిమా రావడం, అందులో చైతు కూడా నటించడంతో మంచి అంచనాలు ఏర్పడ్డాయి.
