హ్యాట్రిక్ స్టార్ రాజ్ తరుణ్ కాస్త జోష్ తగ్గిందనే చెప్పాలి.. మూడు హిట్స్ తో వీరంగం ఆడిన రాజ్ లేటెస్ట్ రిలీజ్ సీతమ్మ అందాలు సినిమాతో మన రామయ్య కు చుక్కలు కనిపించాయి.. అయితే సినిమా ఆ మూడు సినిమాల హిట్ వేడి మీద మరి అంత ఘోరంగా ఏం పోలేదు. అయితే ప్రస్తుతం కెరియర్ పరంగా పీక్ స్టేజ్ లో ఉన్న రాజ్ తీసుకునే నిర్ణయాలు.. ఒప్పుకునే సినిమాలను బట్టే తన భవిష్యత్తు ఆధారపడి ఉంది.
అందుకే సినిమాల విషయంలో ఆచి తూచి అడుగులేస్తున్నాడు. ప్రస్తుతం కమిట్ అయిన సినిమాలే రెండు మూడు ఉన్నాయి. అయితే సీనియర్ దర్శకుడు వంశీ ఫ్యాషన్ డిజైనర్ సినిమాలో రాజ్ నటుస్తున్నట్టు వార్తలు వచ్చాయి. వంశీ దర్శకత్వంలో వచ్చిన లేడీస్ ట్రైలర్ అప్పట్లో సంచలన విజయం సాధించింది. ఇక ఆ సినిమాకు సీక్వల్ గా ఫ్యాషన్ డిజైనర్ సన్నాఫ్ లేడీస్ ట్రైలర్ సినిమా తీయాలనుకున్నాడు.
ప్రస్తుతం క్రేజ్ దృష్ట్యా వంశీ సినిమాలు బాక్సాఫీస్ మీద పెద్దగా ప్రభావం చూపట్లేదు. వంశీ తీసిన వెన్నెల్లో హాయ్ హాయ్ సినిమా రిలీజ్ కష్టాలు పడి పడి చివరకు రిలీజ్ అయినా అది రిలీజ్ అయిన సంగతి కూడా ఎవరికి తెలియకుండానే పోయింది. మరి ఇలాంటి పరిస్థితుల్లో ఆ సీనియర్ దర్శకుడి సినిమాలో రాజ్ తరుణ్ నటిస్తే తన సినిమా పరిస్థితి కూడా అదే గతి పడుతుందని ఆలోచించి ఆ సినిమా చేయకూడదని నిర్ణయించుకున్నాడట. ఇప్పటికే ఆ సినిమా కోసం కొంత అడ్వాన్స్ కూడా తీసుకున్నాడట రాజ్, అయితే సినిమా చేయని పక్షంలో తీసుకున్న అడ్వాన్స్ కూడా తిరిగిచ్చే ఆలోచనలో ఉన్నాడట మరి రాజ్ చేస్తున్న పని మంచిదా కాదా అన్నది అతనికే తెలియాలి.
