మెగా హీరోల్లో ఎవరు సినిమా చేసినా ఆ సినిమా తాలుకు దర్శక నిర్మాతలను ప్రశంసించడం ఆ ఫ్యామిలీ పెద్దగా మెగాస్టార్ ఆనవాయితీగా కొనసాగిస్తున్నదే. ఇప్పుడు ఆ దారిలోనే అల్లు అర్జున్ తో సరైనోడు సినిమా తీస్తున్న బోయపాటికి తన అభినందనలను తెలియచేశాడట చిరంజీవి. గీతా ఆర్ట్స్ బ్యానర్ లో అల్లు అరవింద్ నిర్మిస్తున్న సరైనోడు సినిమా ఫస్ట్ లుక్ పోస్టరే కాదు టీజర్ కూడా అదిరగొట్టింది.
తెల్లతోలు కదా అంటూ బన్ని చెబుతున్న డైలాగ్ మెగా అభిమానుల్లో ఉత్సాహాన్ని నింపింది. ఇక టీజర్ కూడా అతి తక్కువ టైం లోనే మిలియన్ క్లబ్ లోకి చేరిపోయింది. హ్యాట్రిక్ హిట్స్ తో జోరుమీదున్న అల్లు అర్జున్ ఈ సినిమాతో డబుల్ హ్యాట్రిక్ కు షురూ చేస్తాడనడంలో సందేహం లేదు. అర నిమిషం టీజర్ లోనే సినిమా ఎమోషన్ ని చూపించి మిగతాది వెండితెర మీద చూపిస్తానంటున్న బన్ని మరో సంచలన విజయం దక్కించుకుంటాడనిపిస్తుంది.
రకుల్ ప్రీతి సింగ్, కేథరిన్ థ్రేసాలు కథానాయికలుగా నటిస్తున్న ఈ సినిమాకు థమన్ సంగీతం అందిస్తున్నాడు. మరి టీజరే మెగాస్టార్ మెప్పు పొందితే ఇక సినిమా మెగా అభిమానులను మెప్పించకుండా ఉంటుందా చెప్పండి.
