ప్రముఖ తెలుగు సినిమా నటుడు ప్రదీప్ శక్తి శనివారం అమెరికాలోని న్యూజెర్సీలో గుండెపోటుతో మరణించారు. ఆయన పూర్తి పేరు వాసిరెడ్డి ప్రదీప్ శక్తి. స్వస్థలం గుంటూరు. ఆయన అమెరికాలో స్థిరపడి అక్కడే ‘బాబా హట్’ అనే ఒక భారతీయ రెస్టారెంట్ నడిపిస్తున్నారు. నటనపై మక్కువతో అనేక తెలుగు సినిమాలలో నటించారు. ఆయన మొట్ట మొదటి సినిమా లేడీస్ టైలర్. ఆ తరువాత చెట్టు క్రింద ప్లీడర్, ఏప్రిల్ 1 విడుదల, ఆలాపన, నాయకుడు, గుణ, పరుగోపరుగు, చిత్రం భళ్ళారే విచిత్రం, చింతకాయల రవి, సుబ్రహ్మణ్యం ఫర్ సెల్ వంటి అనేక సినిమాలలో నటించారు. ఆయన అంత్యక్రియలు అమెరికాలోనే జరుగుతాయి.
