సంక్రాంతికి రిలీజ్ అయిన సినిమాల్లో భారీ విజయాన్ని నమోదు చేసుకున్న సినిమా సోగ్గాడే చిన్ని నాయనా.. అయితే ఆ సినిమాలో మరోసారి మన్మధుడిగా బంగార్రజు పాత్రలో అదరగొట్టేశాడు కింగ్ నాగార్జున. సినిమా సక్సెస్ అయిన సందర్భంగా సక్సెస్ మీట్ ఏర్పాటు చేసిన నాగార్జున ఆ సినిమా సీక్వల్ గా బంగార్రాజు సినిమా ఉంటుందని అన్నారు. అయితే అంతకంటే ముందు సోగ్గాడి దర్శకుడు కళ్యాన్ కృష్ణతో నాగచైతన్య సినిమా ఉంటుందని.. అది కూడా అన్నపూర్ణ స్టూడియోస్ బ్యానర్ లో వస్తుందని తెలిపారు.
ఇక ప్రస్తుతం ఫుల్ ఫాంలో ఉన్న నాగ్ మరోసారి భక్తి రస చిత్రం చేసేందుకు సిద్ధమయ్యాడు. బాబా హథిరాం జి బయోపిక్ తో ఈ సినిమా ఉంటుందని అన్నారు. కె రాఘవేంద్రరావి దర్శకత్వం వహించనున్న ఈ సినిమా త్వరలో మొదలవనున్నదట. తను ఈ సినిమా కంప్లీట్ చేసేలోగా కళ్యాన్ కృష్ణ చైతు సినిమా పూర్తి చేస్తే.. ఆ తర్వాత మళ్లీ ఇద్దరు కలిసి బంగార్రాజు సినిమా చేసే ఆలోచనలో ఉన్నారు.
