సినిమా పరిశ్రమలో అదృష్టం ఎవరికి ఎప్పుడు ఎలా వస్తుందో తెలియదు. ఇక్కడ హిట్ కొడితే చాలు అవకాశాలు అవే తన్నుకువస్తాయి. ప్రస్తుతం థియేటర్స్ లో సందడి చేస్తున్న కృష్ణగాడి వీర ప్రేమ గాథ దర్శకుడు హను రాఘవపూడికి ఓ లక్కీ ఆఫర్ తగిలిందని ఫిల్మ్ నగర్ టాక్. హిట్ కొట్టిన దర్శకుడికి అభినందనలతో పాటు అవకాశం ఇచ్చే స్టార్ హీరో ఎన్టీఆర్ హనుతో సినిమా చేసేందుకు సిద్ధమయ్యాడని తెలుస్తుంది.
కృష్ణగాడి సినిమా కథ కథనాల్లో దర్శకుడు చూపించిన కొత్తదనం మెచ్చి తారక్ తన తర్వాత సినిమా హనుతో తీసేందుకు నిర్ణయం తీసుకోనున్నాడట. ఇప్పటికే హను రాఘవపూడి చెప్పిన కథకు ఇంప్రెస్ అయ్యాడట ఎన్టీఆర్. అందాల రాక్షసి సినిమాతో తన అభిరుచిని తెలియచేసి రెండో సినిమా కృష్ణగాడితో క్రేజీ దర్శకుడిగా అవతరించాడు హను రాఘవపూడి. ఇక తారక్ ఆఫర్ తో అతని స్టార్ దర్శకుడు అవ్వడం ఖాయం.
మరి వస్తున్న ఈ వార్తలు నిజమా కాదా అని తెలియాలంటే మరికొద్ది రోజులు వెయిట్ చేయాల్సిందే. ప్రస్తుతం హను కృష్ణగాడి సక్సెస్ టూర్ లతో బిజీగా ఉంటే. ఎన్టీఆర్ జనతా గ్యారేజ్ షూట్ కి సిద్ధమయ్యాడు.
