ఫిబ్ర‌వ‌రి 4న ఆచార్య రావాల్సివుంది. అయితే.. `ఆర్‌.ఆర్‌.ఆర్‌` వాయిదా ప‌డ‌డంతో.. ఆ ప్ర‌భావం చిరంజీవి సినిమాపై ప‌డింది. `ఆర్‌.ఆర్‌.ఆర్‌` వ‌చ్చాకే.. `ఆచార్య‌`ని విడుద‌ల చేయాల‌న్న‌ది ఆ రెండు సినిమాల మ‌ధ్య జ‌రిగిన లోపాయ‌కారి ఒప్పందం. సో.. `ఆచార్య‌` ఫిబ్ర‌వ‌రి 4న వ‌చ్చే అవ‌కాశాలు లేవు. ఆ డేట్ ని రాజ‌శేఖ‌ర్ త‌న `శేఖ‌ర్‌` కోసం లాక్ చేశారు. రాజ‌శేఖ‌ర్ క‌థానాయ‌కుడిగా న‌టించిన చిత్ర‌మిది. జీవితా రాజ‌శేఖ‌ర్ ద‌ర్శ‌కురాలు. ఈ సినిమాని సంక్రాంతికే విడుద‌ల చేద్దామ‌నుకున్నారు. కానీ హ‌డావుడి అయిపోవ‌డంతో… లాస్ట్ మినిట్ లో గంద‌ర గోళం ఎందుక‌ని చెప్పి, సంక్రాంతికి విడుద‌ల చేయ‌డం లేదు. ఇప్పుడు శేఖ‌ర్ టీమ్ దృష్టి ఫిబ్ర‌వ‌రి 4పై ప‌డింది. ఎలాగూ ఆచార్య రావ‌డం లేదు కాబ‌ట్టి.. ఆ డేట్ ఖాళీగా ఉంటుంది. పైగా ఫిబ్ర‌వ‌రి 4.. రాజ‌శేఖ‌ర్ పుట్టిన రోజు. అలా.. ఆ రోజు క‌లిసొస్తుంద‌ని `శేఖ‌ర్‌` టీమ్ భావిస్తోంది. జోసెఫ్ అనే సినిమాకి రీమేక్ ఇది. ఇటీవ‌లే టీజ‌ర్ వ‌చ్చింది. విజువ‌ల్స్ బాగున్నాయి. థ్రిల్ల‌ర్ సినిమాలు హిట్ అవుతున్న సీజ‌న్ ఇది. అందుకే ఓటీటీ నుంచి ఈ సినిమాకి మంచి ఆఫ‌ర్లు వ‌చ్చాయి. కానీ.. ఈ సినిమాని థియేట‌ర్ల‌ల‌లోనే విడుద‌ల చేయాల‌ని రాజ‌శేఖ‌ర్ ఫిక్స‌వ్వ‌డంతో… ఓటీటీకి ఇవ్వ‌లేదు.