మారుతి దర్శకత్వంలో విక్టరీ వెంకటేష్ హీరోగా నటిస్తున్న సినిమా ‘బాబు బంగారం’. భలే భలే మగాడివోయ్ సినిమాతో తన మీద ఉన్న రోత అనే చెడ్డ పేరుని చెరిపేసుకున్న దర్శకుడు మారుతి బాబు బంగారం సినిమాను క్లీన్ ఫ్యామిలీ ఎంటర్టైనర్ గా తెరకెక్కిస్తున్నాడు. శరవేగంగా షూటింగ్ జరుపుకుంటున్న ఈ సినిమా దాదాపు పూర్తి కావొచ్చిందట.
గోపాలా గోపాలా తర్వాత వెంకటేష్ నటిస్తున్న ఈ సినిమా కామెడీతో కడుపుబ్బా నవ్వించడం ఖాయం అనేస్తున్నారు చిత్ర యూనిట్. కామెడీ పోలీస్ క్యారక్టర్ లో వెంకీ తన అద్భుత నటన ప్రదర్శించనున్నాడట. అయితే సమ్మర్ సీజన్ లో స్టార్ హీరోల సినిమాల వరుస రిలీజ్ అవుతున్న ఈ నేపథ్యంలో బాబు బంగారం సినిమాను జూన్ 1న రిలీజ్ చేసేలా ప్లాన్ చేస్తున్నారట దర్శక నిర్మాతలు.
ఏప్రిల్, మేలో పెద్ద సినిమాలు రిలీజ్ అవుతున్న కారణంగా వెంకటేష్ సినిమా జూన్ లో రిలీజ్ చేయడమే కరెక్ట్ అనే ఆలోచనతో ఉన్నాడట. మరి మారుతి వెంకీలు చేస్తున్న ఈ మ్యాజిక్ ప్రేక్షకులను ఆకట్టుకుంటుందా లేదా అనేది సినిమా రిలీజ్ అయితేనే గాని చెప్పలేం.
