ఆర్‌.ఆర్.ఆర్ తో అలియా భ‌ట్ టాలీవుడ్ లోకి ఎంట్రీ ఇవ్వ‌బోతోంది. ఇప్పుడు ఎన్టీఆర్ – కొర‌టాల శివ సినిమాలోనూ త‌ను స్థానం సంపాదించింది. టాలీవుడ్ నుంచి మ‌రిన్ని అవ‌కాశాలు అలియాని వెదుక్కుంటూ వెళ్ల‌బోతున్నాయి. ఈలోగా ఆర్‌.ఆర్‌.ఆర్ కంటే ముందుగా అలియా భ‌ట్ సినిమా ఒక‌టి రాబోతోంది. అదే `గంగూభాయ్‌`. సంజ‌య్ లీలా బ‌న్సాలీ ద‌ర్శ‌క‌త్వం వ‌హించిన చిత్ర‌మిది. సాధార‌ణంగా ఈ సినిమా బాలీవుడ్ కే ప‌రిమితం అవ్వాలి. కానీ.. `ఆర్‌.ఆర్‌.ఆర్‌`తో వ‌చ్చిన క్రేజ్ తో.. ఈసినిమాని తెలుగులో ఎక్కువ థియేట‌ర్ల‌లో విడుద‌ల చేయ‌బోతున్నారు. తెలుగు ప్ర‌మోష‌న్ల విష‌యంలో అలియా కూడా ప్ర‌త్యేక దృష్టిని సారించింది. శుక్ర‌వారం… గంగూభాయ్ ట్రైల‌ర్ వ‌స్తోంది. అయితే… ముంబైలో జ‌రిగిన ఓ కార్య‌క్ర‌మంలో తెలుగు మీడియాకి ఈ ట్రైల‌ర్ ముందే చూపించేసింది చిత్ర‌బృందం. దాంతో పాటుగా తెలుగు మీడియాతో… అలియాభ‌ట్ ప్ర‌త్యేకంగా ములాఖాత్ అయ్యింది.

ఆర్‌.ఆర్‌.ఆర్ వ‌ల్ల‌… గంగూభాయ్‌కి చాలా ప్లస్ అయ్యింద‌ని చెప్పాలి. ఈ సినిమాని తెలుగులో ఎక్కువ థియేట‌ర్ల‌లో విడుద‌ల చేస్తున్నారు. అలియా కూడా ఈ సినిమా ప్ర‌మోష‌న్ల కోసం మ‌రోసారి టాలీవుడ్ రాబోతోంది. ఫిబ్ర‌వ‌రి 25న ఈ చిత్రం రాబోతోంది. స‌రిగ్గా నెల త‌ర‌వాత‌… ఆర్‌.ఆర్‌.ఆర్ వ‌స్తుంది. గంగూభాయ్ తో అలియా టాలీవుడ్ కి ద‌గ్గ‌రైతే… అది ప‌రోక్షంగా ఆర్‌.ఆర్‌.ఆర్ కి కూడా హెల్ప్ అవుతుంది. ప్ర‌స్తుతానికైతే.. ఆర్‌.ఆర్‌.ఆర్ వ‌ల్ల గంగూభాయ్‌కి క‌లిసొచ్చిన‌ట్టైంది. గంగూభాయ్ ఓ వేశ్య క‌థ‌. వేశ్యా వాటిక‌లోని ఓ అమ్మాయి.. సంచ‌ల‌న శ‌క్తిగా ఎలా ఎదిగిందో.. సంజ‌య్‌లీలా బ‌న్సాలీ త‌న‌దైన శైలిలో చూపించ‌బోతున్నాడు. ఇదో న‌వ‌లా చిత్రం. ఈ క‌థ‌లో కొన్ని సంచ‌న‌ల విషయాలున్నాయ‌ని తెలుస్తోంది. అదేమిట‌న్న‌ది సినిమా విడుద‌ల అయ్యాకే అర్థం అవుతుంది. అజ‌య్ దేవ‌గ‌ణ్ ఈ చిత్రంలో ఓ కీల‌క‌మైన పాత్ర పోషించారు. అలియాతో పాటుగా అజ‌య్ కూడా ఆర్‌.ఆర్‌.ఆర్‌లో ఉన్న సంగ‌తి తెలిసిందే.