టాలీవుడ్ పరిశ్రమలో హీరోయిన్ ల కొరత ఎప్పుడు ఉండనే ఉంటుంది. కాస్త కవిందు చేసే హీరోయిన్ కనిపిస్తే చాలు ఈ అమ్మడు ఎవరో బాగుందే అని క్రేజ్ తెచ్చిపెట్టేస్తారు. ప్రస్తుతం రీసెంట్ గా వచ్చిన నిక్కి గర్లాని మీద ప్రేక్షకుల చూపు పడ్డది. అందం అభినయం కలగలిపిన ఈ అమ్మడు ఒకేరోజు రెండు సినిమాలతో తెలుగు ప్రేక్షకులను పలుకరించింది.
సునీల్ తో కృష్ణాష్టమిలో జోడీ కట్టిన ఈ చిన్నది ఆది పినిశెట్టి నటించిన మలుపులో కూడా హీరోయిన్ గా చేసింది. ఒకేసారి రెండు సినిమాలు అందులో ఒకటి తెలుగు స్ట్రైట్ సినిమా అయితే మరొకటి తమిళ డబ్బింగ్ సినిమాతో ప్రేక్షకులను అలరించిన నిక్కి మంచి ఫీడ్ బ్యాక్ తెచ్చుకుంది. సినిమాల మీద ఉన్న ఇష్టంతో సాఫ్ట్ వేర్ జాబ్ ను సైతం వదిలేసి సినీరంగ ప్రవేశం చేసింది ఈ అమ్మడు.
అయితే చేసిన రెండు సినిమాలు తనకు మంచి పేరు తీసుకు రావడంతో నిక్కి కోసం దర్శక నిర్మాతలు క్యూ కడుతున్నారట. తనలో ఉన్న టాలెంట్ ను మెచ్చి తనను మొదట తెలుగు పరిశ్రమకు పరిచయం చేసిన దిల్ రాజే మళ్లీ నిక్కిని మరో రెండు సినిమాలకు తీసుకున్నట్టు ప్రకటించాడు. సో దిల్ రాజు మనసు గెలిచింది అంటే అమ్మడికి స్టార్ స్టేటస్ వచ్చి పడ్డట్టే. వరుస ఆఫర్ లు చేజిక్కించుకుంటున్న నిక్కి గర్లానికి చేస్తున్న అన్ని సినిమాలు సూపర్ హిట్ కావాలని కోరుకుందాం.
