విశాల్ నటించిన పందెం కోడి సినిమా ఎంతటి సంచలన విజయం దక్కించుకుందో అందరికి తెలిసిందే. తమిళ్ లో సూపర్ హిట్ అయిన ఆ సినిమా తెలుగు డబ్బింగ్ వర్షన్ కూడా కాసుల వర్షం కురిపించింది. అయితే ఎన్నో రోజులుగా ఆ సినిమా సీక్వల్ కోసం ప్రయత్నించగా కుదరలేదు. ఒక మూడు నెలల క్రితం ఆ సినిమా సీక్వల్ తీస్తున్నట్టుగా విశాల్ ప్రకటించాడు.
లింగుస్వామి దర్శకత్వంలో మరోసారి పందెం కోడి 2 రానున్నదని ప్రేక్షకులంతా ఉత్సాహంగా ఉన్నారు. సినిమా ఇప్పటికే ప్రి ప్రొడక్షన్ వర్క్ కూడా పూర్తి చేసుకుంది కూడా.. కాని ఏమైందో ఏమో సినిమా ఆపేస్తున్నట్టు తన ట్విట్టర్ లో మెసేజ్ పోస్ట్ చేశాడు విశాల్. కొన్ని కారణాల వల్ల సినిమా ఆగిపోయిందని చెప్పుకొచ్చాడు.
అయితే కోలీవుడ్ లో వినిపిస్తున్న టాక్ ఏంటంటే లింగుస్వామితో విశాల్ కు పడకనే ఆ సినిమా ఆపేసినట్టు తెలుస్తుంది.. ప్రస్తుతం మరుదు సినిమాలో నటిస్తున్న విశాల్ ఈరోజు ఉదయం ఆ పందెంకోడి ఆపేస్తున్నట్టుగా అఫిషియల్ ఎనౌన్స్ మెంట్ చేశారు. సినిమా ఆపేయడానికి గల పూర్తీ కారణాలు త్వరలో తెలిసే అవకాశం ఉంది.
