అల్లు అర్జున్ ‘అల వైకుంఠపురములో’ సెకండ్ హీరోయిన్ గా కనిపించింది నివేత పెతురాజ్. ఇప్పుడు ఆమెకు మరో మెగా ఆఫర్ వరించింది. చిరంజీవి, బాబి కాంబినేషన్ లో ఓ సినిమా వస్తున్న సంగతి తెలిసిందే. ఇందులో శ్రుతిహాసన్ హీరోయిన్ గా ఫైనల్ చేశారు. ఈ సినిమాలో రెండో హీరోయిన్ కూడా అవకాశం వుంది. ఆ అవకాశం నివేతకి దక్కింది. ఈ సినిమాలో రవితేజ కూడా ఓ కీలక పాత్ర చేస్తున్న సంగతి తెలిసిందే. రవితేజకు హీరోయిన్ గా నివేత ఎంపిక చేశారని తెలిసింది. ఈ సినిమా కోసం బాబీ అవుట్ అండ్ అవుట్ కమర్షియల్ కథని సిద్దం చేశాడు. మైత్రీ మూవీస్ నిర్మిస్తున్న ఈ చిత్రానికి దేవిశ్రీ మ్యూజిక్ అందిస్తున్నాడు. ప్రస్తుతం గాడ్ ఫాదర్ సినిమా షూటింగ్ వున్నారు చిరు. దానితో పాటు మెహర్ రమేష్ సినిమా కూడా షూటింగ్ జరుపుకుటుంది. అయితే ఈ రెండు సినిమాలు సెట్స్ పై ఉండగానే బాబీ సినిమా కూడా మొదలయ్యే అవకాశం వుంది.