పెద్ద అంచనాలు లేకుండా వచ్చి పెద్ద విజయం సాధించిన సినిమా కేజీఎఫ్. కన్నడ చిత్ర పరిశ్రమ నుంచి వచ్చిన కేజీఎఫ్.. పాన్ ఇండియా స్థాయిలో ఆకట్టుకుంది. ఇప్పుడు ‘కేజీఎఫ్2’ విడుదలకు సిద్దమైయింది. ఏప్రిల్ 14న సినిమా ప్రేక్షకుల ముందుకు వస్తుంది. అయితే ఇప్పుడు ఈ సినిమాకి పోటిగా విజయ్ ‘బీస్ట్’ రంగంలో దిగింది. ఒక రోజు ముందే అంటే ఏప్రిల్ 13న బీస్ట్ ప్రేక్షకుల ముందుకు వస్తుంది.
కేజీఎఫ్ పక్కా మాస్ సినిమా. యాక్షన్ వీర లెవల్ వుంటుంది. దీంతో కేజీఎఫ్ కి తిరుగులేదని అనుకున్నారంతా. అయితే ఇప్పుడు ‘బీస్ట్’ ట్రైలర్ వచ్చింది. ఈ ట్రైలర్ కూడా అదిరిపోయింది. బాలీవుడ్ స్థాయిలో యాక్షన్ సీన్స్ వున్నాయి. ముఖ్యంగా విజయ్ లుక్స్ , యాక్షన్ అదిరిపోయింది. కేజీఎఫ్ ఓన్లీ యాక్షన్ సినిమా. అయితే బీస్ట్ లో అన్నీ ఎమోషన్స్ వున్నాయి. బీస్ట్ దర్శకుడు నెల్సన్ కి ప్రేక్షకుల పల్స్ తెలుసు. యాక్షన్ తో పాటు కామెడీ కూడా అద్భుతంగా చేస్తాడు. విజయ్ కూడా కామెడీలో దిట్ట. బీస్ట్ ట్రైలర్ చూస్తుంటే యాక్షన్ తో పాటు ఫన్ కూడా వుంది.
కేజీఎఫ్, బీస్ట్ కి ఎక్కడా పోలిక లేదు కానీ కేజీఎఫ్ పాన్ ఇండియా సినిమా. తెలుగు తమిళ భాషలపై కూడా బలంగా నమ్మకం పెట్టుకుంది. అయితే ఇప్పుడు విజయ్ ‘బీస్ట్’ రూపంలో కేజీఎఫ్ కి గట్టిపోటి వచ్చింది. ఈ రెండు సినిమాల బాక్సాఫీసు ఫైట్ ఎలా వుంటుందో చూడాలి.
