వ‌రుస హిట్ల‌తో ప్రామిసింగ్ స్టార్ అనిపించుకున్నాడు స‌త్య‌దేవ్‌. టాలీవుడ్‌లో ఫుల్ బిజీగా ఉన్న హీరోల్లో తాను ఒక‌డు. ఇప్పుడు నిర్మాత‌గానూ మారాడు. ఎస్‌డీ కంపెనీ పేరుతో ఓ నిర్మాణ సంస్థ‌ని ప్రారంభించాడు. ఈ సంస్థ నుంచి ఓ కొత్త సినిమా ప్ర‌క‌టించాడు. అదే.. `ఫుల్ బాటిల్‌`. ఇందులో తానే హీరో. శ‌ర‌ణ్ కొప్పి శెట్టి దర్శ‌కుడు. ఈరోజు.. టైటిల్ పోస్ట‌ర్‌ని విడుద‌ల చేశారు. కాకినాడ పోర్టు.. ఓ ఆటో..ఓ గుడి… వీటి మ‌ధ్య ఓ తాగుబోతు.. ఇదీ స్థూలంగా క‌థ‌. క్రైమ్ కామెడీ జోన‌ర్‌లో సాగే సినిమాలా అనిపిస్తోంది. శ‌ర‌ణ్ కొప్పిశెట్టి ఇది వ‌ర‌కు.. స‌త్య‌దేవ్‌తో తిమ్మ‌రుసు తెర‌కెక్కించాడు. క‌మ‌ర్షియ‌ల్ గా ఆ సినిమా హిట్టు. అంత‌కు ముందు నిఖిల్ తో కిర్రాక్ పార్టీ తీశాడు. ఇది మూడో సినిమా. యువ హీరోలు నిర్మాణ రంగంలోకి రావ‌డం, త‌మ సొంత సంస్థ‌ల్లో సినిమాలు తీయ‌డం… ఆహ్వానించ‌ద‌గిన అంశ‌మే. నిర్మాత‌గా.. స‌త్య జాత‌కం ఎలా ఉంటుందో చూడాలి.