ఏబీ వెంకటేశ్వరరావును సర్వీస్‌లోకి తీసుకోవాల్సిందేనని సుప్రీంకోర్టు ఏపీ ప్రభుత్వాన్ని ఆదేశించింది. సివిల్ సర్వీస్ అధికారుల్ని రెండేళ్లకు మించి సస్పెన్షన్‌లో ఉంచడం సాధ్యం కాదని స్పష్టం చేసింది. బీ వెంకటేశ్వరరావుపై ఏపీ ప్రభుత్వం విధించిన సస్పెన్షన్‌ను 2020 మేలోనే హైకోర్టు కొట్టి వేసింది. ఏబీ వెంకటేశ్వరరావును తిరిగి విధుల్లోకి తీసుకోవాలని హైకోర్టు ప్రభుత్వాన్ని ఆదేశించింది. విధుల్లోకి తీసుకోవడంతోపాటు సస్పెన్షన్‌ కాలం నాటి జీతభత్యాలు చెల్లించాలని ఉన్నత న్యాయస్థానం ఆదేశించింది. అయితే ఏపీ ప్రభుత్వం సుప్రీంకోర్టును ఆశ్రయించింది.

స్పెషల్ లీవ్ పిటిషన్ వేసింది. యనపై సస్పెన్షన్ వేటు వేసి గత ఫిబ్రవరికే రెండేళ్లు దాటిపోయింది. సివిల్ సర్వీస్ అధికారులను రెండేళ్లకు మించి సస్పెన్షన్‌లో ఉంచాలంటే కేంద్ర ప్రభుత్వం అనుమతి తప్పని సరిగా ఉండాలి. ఇప్పటి వరకూ ఈ విషయంలో కేంద్రం ఎలాంటి అనుమతి ఇవ్వలేదు. దీంతో ఏబీ వెంకటేశ్వరరావు సస్పెన్షన్ పొడిగించడం సాధ్యం కాదని స్ఫష్టం చేసింది. ప్రభుత్వం దాఖలు చేసిన స్పెషల్ లీవ్ పిటిషన్‌ను కొట్టి వేసింది.

సుప్రీంకోర్టు చెప్పిందని ఏబీవీని ప్రభుత్వం సర్వీసులు తీసుకుంటుందా అంటే.. డౌటేనని చాలా మంది అభిప్రాయం. ఏబీవీని ప్రభుత్వంలోకి ఎట్టి పరిస్థితుల్లోకి ప్రభుత్వ పెద్దలు అంగీకరించరంటారు. ఆయన వ్యవస్థలోకి వస్తే ఏం జరుగుతుందోనని వాళ్లకు ఆందోళన ఉండటం సహజమంటున్నారు. అయితే సుప్రీంకోర్టు ఉత్తర్వులను ఏపీ ప్రభుత్వం ధిక్కరిస్తుందా లేకపోతే.. ఇంకైదనా కొత్త మార్గాలు అన్వేషిస్తుందా అన్నది కీలకంగా మారింది.