యాక్ష‌న్ కింగ్ అర్జున్‌.. హీరోగా, విల‌న్ గా సుప‌రిచితుడే. త‌న‌లో ద‌ర్శ‌కుడు కూడా ఉన్నాడు. చాలా కాలం త‌ర‌వాత ఆయ‌న మ‌రోసారి మెగాఫోన్ ప‌డుతున్నారు. ఈసారి తెలుగులో, ఓ యువ హీరోతో సినిమా చేస్తుండ‌డం విశేషం. విశ్వ‌క్‌సేన్ కోసం ఆయ‌న ఓ క‌థ సిద్ధం చేశార‌ని టాక్‌. ఆ క‌థ‌లో న‌టించ‌డానికి విశ్వ‌క్ కూడా ఓకే అన్నాడ‌ట‌. త్వ‌ర‌లోనే… ఈ సినిమా ప‌ట్టాలెక్క‌బోతోంది. మ‌రో విశేషం ఏమిటంటే… ఈ సినిమాలో అర్జున్ కుమార్తె ఐశ్వ‌ర్య అర్జున్ క‌థానాయిక‌గా న‌టించ‌బోతోంద‌ని తెలుస్తోంది. మ‌రోవైపు విశ్వక్ వ‌రుస సినిమాల‌తో బిజీగా ఉన్నాడు. ఇటీవ‌ల విడుద‌లైన `అశోక వ‌నంలో అర్జున క‌ల్యాణం` ఓకే అనిపించుకుంది. `ద‌మ్కీ` సెట్స్‌పై ఉంది. ఇవి కాక ఇంకో మూడు సినిమాలు రెడీ అవుతున్నాయి. అర్జున్ తో సినిమా కి సంబంధించిన పూర్తి వివ‌రాలు త్వ‌ర‌లో వెల్ల‌డ‌వుతాయి.