క‌ల్యాణ్ రామ్ న‌టిస్తూ, నిర్మించిన భారీ బ‌డ్జెట్ చిత్రం ‘బింబిసార‌’. ఆగ‌స్టు 5న రాబోతోంది. ఈ సినిమాపై క‌ల్యాణ్‌రామ్ చాలా ఆశ‌లు పెట్టుకొన్నాడు. ఈసారి ష్యూర్ షాట్ హిట్ అంటున్నాడు. ఎన్టీఆర్ కూడా ఇదే మాట చెప్పాడు. ఈరోజు జ‌రిగిన ప్రీ రిలీజ్ ఈవెంట్ లో ఎన్టీఆర్ ముఖ్య అతిథిగా పాల్గొన్నాడు. ఆల్రెడీ ఈ సినిమా చూసేసిన ఎన్టీఆర్‌… ఇప్పుడు రివ్యూ కూడా ఇచ్చేశాడు. ”అదృష్ట‌వ‌శాత్తూ ఈ సినిమా నేను ముందే చూశా. ద‌ర్శ‌కుడు క‌థ‌ని ఎంత క‌సిగా చెప్పాడో, అంత‌కంటే గొప్ప‌గా ఈ సినిమాని తీశాడు. ఈ సినిమా చూసి అభిమానులంతా కాల‌ర్ ఎగ‌రేస్తారు. క‌ల్యాణ్ రామ్ అన్న కెరీర్‌ని బింబిసార‌కు ముందు ఆ త‌ర‌వాత అని చెప్పుకొంటారు. ఈ పాత్ర కోసం అన్న‌య్య ర‌క్తం ధార‌బోశాడు. బింబిసార పాత్ర‌ని అన్న‌య్య త‌ప్ప మ‌రే న‌టుడూ చేయ‌లేడు..” అంటూ కితాబు ఇచ్చాడు. జ‌నాలు థియేట‌ర్ల‌కు రావ‌డం లేదని చాలా మంది చెబుతున్నార‌ని, అయితే తాను ఆ మాట న‌మ్మ‌న‌ని, మంచి సినిమా తీస్తే…. జ‌నాలు త‌ప్ప‌కుండా వ‌స్తార‌ని బింబిసార అలాంటి సినిమానే అని ఎన్టీఆర్ చెప్పాడు. ఆగ‌స్టు 5న విడుద‌ల బింబిసార‌తో పాటుగా విడుద‌ల అవుతున్న ‘సీతారామం’ చిత్రాన్ని కూడా ప్రేక్ష‌కులు ఆద‌రించాల‌ని, తెలుగు సినిమాని ముందుకు న‌డిపించాల‌ని ఎన్టీఆర్ కోరారు.