క్రియేటివ్ కృష్ణవంశీ మళ్ళీ జోరు పెంచారు. ఆయన దర్శకత్వంలో రంగమార్తాండ ప్రేక్షకుల ముందుకు రాబోతుంది. అలాగే ఆయన చేయబోయే ప్రాజెక్ట్స్ కూడా లైన్ లో వున్నాయి. అన్నం సినిమాని ఇప్పటికే ప్రకటించారు. ఫుడ్ మాఫియా నేపధ్యంలో ఈ సినిమా వుండబోతుంది. ఇదీలావుంటే ఆయన ఓ ఫిమేల్ సెంట్రిక్ మూవీ చేయడానికి సన్నాహాలు చేస్తున్నారు. ఈ కథ ఆలోచన ఎప్పటి నుండో వుంది. ఇటివలే దాన్ని ప్రాజెక్ట్ గా స్ట్రీమ్ లైన్ చేశారు.
విశేషం ఏమిటంటే.. ఈ చిత్రంలో పూజ హెగ్డే, రకుల్ ప్రీత్ సింగ్ కథానాయికలగా కనిపిస్తారని టాక్. దిన్ని పాన్ ఇండియా సినిమాగా తీసుకెళ్లాలనేది కృష్ణవంశీ ఆలోచన. పూజా, రకుల్ ఇద్దరికీ పాన్ ఇండియా ఫాలోయింగ్ వుంది. ప్రస్తుతం బాలీవుడ్ లోనే సినిమాలు చేస్తుంది రకుల్. పూజ టాలీవుడ్ లో టాప్ లీగ్ లీగ్ లో కొనసాగుతూ బాలీవుడ్ చిత్రాలు కూడా సైన్ చేస్తోంది. ఇప్పుడు వీరిద్దరిని ప్రాజెక్ట్ తీసుకొచ్చి పాన్ ఇండియా మూవీగా అన్ని ప్రాంతీయ భాషల్లో విడుదల చేయాలని సన్నాహాలు చేస్తున్నారు. త్వరలోనే ఈ ప్రాజెక్ట్ పై ఒక ప్రకటన రానుంది.
