దర్శకుడు సుకుమార్ లైగర్ ప్రమోషన్స్ లో భాగమయ్యారు. దర్శకుడు పూరి జగన్నాథ్ ని ఇంటర్వ్యూ చేశారు. ఈ ఇంటర్వ్యూలు చాలా ఆసక్తికరమైన అంశాలు వున్నాయి. లైగర్ ఆలోచన ఎలా వచ్చిందనే ప్రశ్నకు సమాధానం.., ఇస్తూ.. లైగర్ కథకి కారణం అల్లు అర్జున్ అని చెప్పారు పూరి.
‘ఇద్దరమ్మాయిలతో సినిమా షూటింగ్ లో వున్నపుడు బన్నీ నాతో ఒక మాట చెప్పాడు. ఓ హాలీవుడ్ డైరెక్టర్ తన హీరోలకు ఎదో వైకల్యం పెట్టి మంచి కథలు రాస్తుంటారు. అలాంటి కథ ఒకటి రాయొచ్చుకదా అన్నాడు. దానికి గురించి ఆలోచిస్తుంటే నత్తి ఆలోచన వచ్చింది. నాకు ఎప్పటి నుండో మార్షల్ ఆర్ట్స్ పై సినిమా తీయాలని వుండేది. ఈ రెండిటి మిక్స్ చేసి లైగర్ ని డిజైన్ చేశా” అని చెప్పుకొచ్చారు పూరి.
ఇదే ఇంటర్వ్యూ లో సుకుమార్ ఇచ్చిన సలహాని కూడా పంచుకున్నారు. కథ రాస్తున్నపుడు దానికి కాస్త సమయం ఇవ్వమని చెప్పారట సుకుమార్. ఆయన చెప్పిన సలహాని లైగర్ లో ఫాలో అయ్యారట పూరి. ఇకపై చేసే కథలకు కూడా కాస్త ఎక్కువ సమయం కేటాయించాలని నిర్ణయించుకున్నారట పూరి.
