వరల్డ్ కప్ మరో సంచలనం నమోదైయింది. నిన్నటి వరకూ గ్రూప్ బిలో అగ్రస్థానంలో వున్న సౌత్ ఆఫ్రికా వరల్డ్ కప్ నుండి అవుట్ అయ్యింది. సౌత్ ఆఫ్రికాని ఇంత దారుణంగా అవుట్ చేసిన జట్టు పసికూన నెదర్లాండ్స్. ఈ రోజు ఉదయం జరిగిన మ్యాచ్ ల 13 పరుగుల తేడాతో గెలిచి సఫారీ జట్టు వరల్డ్ కప్ ఆశలపై నీళ్ళు పోసింది నెదర్లాండ్స్. తొలుత బ్యాటింగ్ చేసిన నెదర్లాండ్స్ 158 పరుగులు చేసింది. అనంతరం బ్యాటింగ్ కి దిగిన సఫారీ జట్టు 145పరుగుల వద్ద ఇన్నింగ్స్ ని ముగించింది. దీంతో 13 పరుగుల విజయం నెదర్లాండ్ జట్టు సొంతమైయింది.
ఈ ఒక్క మ్యాచ్ తో గ్రూప్ బి ఈక్వేషన్ మారిపోయింది. భారత్ సెమిస్ బెర్త్ ఖామైపోయింది. సౌత్ ఆఫ్రికా వరల్డ్ కప్ నుండి అవుట్ అయ్యింది. పాకిస్తాన్ సెమిస్ ఆశలు మరింత బలంగా మారాయి. బంగ్లాతో మ్యాచ్ గెలిస్తే పాక్ సెమిస్ కి వెళ్ళడం ఖాయమైయింది. మొత్తానికి సౌత్ ఆఫ్రికా జట్టుకు వరల్డ్ కప్ అచ్చిరాదనే సెంటిమెంట్ మరోసారి రుజువైయింది.
