డెబ్యూ డైరెక్ట‌ర్లంటే నానికి ప్ర‌త్యేక‌మైన ఆస‌క్తి. త‌న కెరీర్‌లో కొత్త ద‌ర్శ‌కుల్ని ప్రోత్స‌హించిన సంద‌ర్భాలు చాలా ఉన్నాయి. ప్ర‌స్తుతం చేస్తున్న `ద‌స‌రా` కూడా కొత్త ద‌ర్శ‌కుడితో చేస్తున్న ప్ర‌య‌త్న‌మే. ఇప్పుడు మ‌రో డైరెక్ట‌ర్‌ని నాని లాంచ్ చేస్తున్న‌ట్టు స‌మాచారం. కొన్ని వెబ్ సిరీస్‌ల‌తో ఆక‌ట్టుకొన్న శౌర్య‌కు ద‌ర్శ‌కుడిగా నాని ఛాన్స్ ఇచ్చిన‌ట్టు ఇండ‌స్ట్రీ వ‌ర్గాల్లో గుస‌గుస‌లు వినిపిస్తున్నాయి. ఇది వ‌ర‌కు నిహారిక‌తో ఓ వెబ్ సిరీస్ చేశాడు శౌర్య‌. ఇప్పుడు సినిమా అవ‌కాశాల కోసం తిరుగుతున్నాడు. అందులో భాగంగా నానికి ఓ క‌థ చెప్పిన‌ట్టు టాక్‌. ఇదో రొమాంటిక్ కామెడీ అని తెలుస్తోంది. నానికి ఇలాంటి క‌థ‌లు బాగా సెట్ట‌వుతున్నాయి. `శ్యామ్ సింగ‌రాయ్‌`, `ద‌స‌రా`.. ఇవి రెండూ భారీ చిత్రాలే. నాని స్టైల్ మార్చిన సినిమాలు. వీటి త‌ర‌వాత త‌న స‌హ‌జ‌సిద్ధ‌మైన, త‌న‌కు అచ్చొచ్చిన జోన‌ర్‌లో ఓ సినిమా చేయాల‌నుకొంటున్నాడు. అందుకే ఈ క‌థ‌ని లాక్ చేసిన‌ట్టు తెలుస్తోంది. ద‌స‌రా అయ్యాక‌… ఈ సినిమా మొద‌ల‌య్యే అవ‌కాశాలున్నాయి. ఈలోగా పూర్తి స్క్రిప్టుని త‌యారు చేసే ప‌నిలో ఉన్నాడు ద‌ర్శకుడు. వివ‌రాలు త్వ‌ర‌లో తెలుస్తాయి.