పుష్ప ఊహించ‌ని విజ‌యం సాధించ‌డంతో.. పుష్ప 2పై భారీ అంచ‌నాలు ఏర్ప‌డ్డాయి. దానికి త‌గ్గ‌ట్టే.. ఈ సినిమా విష‌యంలో అన్ని ర‌కాల జాగ్ర‌త్త‌లూ తీసుకొంటున్నాడు సుకుమార్‌. చిత్రీక‌ర‌ణ ద‌శ నుంచే… ప్ర‌చార ప‌ర్వాన్నీ మొద‌లెట్టాల‌న్న‌ది సుకుమార్ ప్లాన్‌. అందుకే ఓ బుల్లి టీజ‌ర్ కూడా రెడీ చేస్తున్నార్ట‌. `తగ్గేదే లే..` అంటూ పుష్ప‌లో మేన‌రిజంతో.. ఆ క్యారెక్ట‌ర్ మొత్తాన్ని ఆవిష్క‌రించాడు సుకుమార్‌. అలాంటి మేన‌రిజంతోనే ఈ టీజ‌ర్ క‌ట్ చేయ‌బోతున్నార్ట‌. డిసెంబ‌రులో ఈ టీజ‌ర్‌ని విడుద‌ల చేయ‌డానికి స‌న్నాహాలు చేస్తున్నారు. డిసెంబ‌రు 16న అవ‌తార్ 2 విడుద‌ల అవుతోంది. ఈ సినిమా ప్ర‌ద‌ర్శించే అన్ని థియేట‌ర్ల‌లోనూ… పుష్ప 2 టీజ‌ర్‌ని ప్ర‌ద‌ర్శించేలా ఏర్పాట్లు జ‌రుగుతున్నాయి. ఈ సినిమా కోసం రామోజీ ఫిల్మ్ సిటీలో ప్ర‌త్యేకంగా ఓ సెట్ ని తీర్చిదిద్దారు. అందులో ఇప్పుడు పుష్ప 2.. షూటింగ్ జ‌రుగుతోంది. బ‌న్నీ లేక‌పోయినా.. మిగిలిన తారాగ‌ణంపై కొన్ని కీల‌క‌మైన సన్నివేశాలు తెరకెక్కిస్తున్నారు. త్వ‌ర‌లోనే బ్యాంకాక్‌లో ఓ కీల‌క‌మైన షెడ్యూల్ మొద‌లు కాబోతోంది. ఆ షెడ్యూల్ లో బ‌న్నీ పాల్గొన‌బోతున్నాడు. ఈలోగా.. హైద‌రాబాద్‌లోనే బ‌న్నీపై కొన్ని `టీజ‌ర్‌` షాట్స్ క‌ట్ చేయ‌బోతున్నార‌ని తెలుస్తోంది.