ర‌చ‌యిత‌లు మెగాఫోన్ ప‌ట్ట‌డం ఎంత కామ‌నో… డాన్స్ మాస్ట‌ర్లు డైరెక్ట‌ర్లుగా, హీరోలుగా మార‌డం కూడా అంతే కామ‌న్‌. ప్ర‌భుదేవా, లారెన్స్‌, అమ్మ రాజ‌శేఖ‌ర్‌.. ఇలా హీరోలైన వాళ్లే. జానీ మాస్ట‌ర్ కూడా త్వ‌ర‌లోనే హీరోగా రాబోతున్నాడు. త‌న సినిమా ఇప్పుడు సెట్స్‌పై ఉంది. ఈలోగా మ‌రో డాన్స్ మాస్ట‌ర్ కెమెరా ముందుకు రావ‌డానికి రెడీ అయ్యాడు. త‌నే య‌ష్‌. ఈమ‌ధ్య కొన్ని హిట్ చిత్రాల‌కు కొరియోగ్ర‌ఫీ అందించాడు య‌ష్‌. ఇప్పుడు హీరో అవ‌తారం ఎత్త‌బోతున్నాడు. దిల్ రాజు సంస్థ‌లో ఈ చిత్రం రూపుదిద్దుకోవ‌డం విశేషం. శ‌శి అనే కొత్త ద‌ర్శ‌కుడ్ని వెండి తెర‌కు ప‌రిచ‌యం చేస్తూ ఈ చిత్రాన్ని రూపొందిస్తున్నారు. ఇదో రాక్ స్టార్ క‌థ అని తెలుస్తోంది. సంగీతానికీ, నృత్యానికీ ప్రాధాన్యం ఉంది. అందుకే య‌ష్‌ని హీరోగా ఎంచుకొన్నారు. ప్ర‌స్తుతం ఈ సినిమా షూటింగ్ జ‌రుపుకొంటోంది. త్వ‌ర‌లోనే పూర్తి వివ‌రాలు బ‌య‌ట‌కు వ‌స్తాయి. దిల్ రాజు కొత్త ద‌ర్శ‌కుల‌తో, కొత్త హీరోల‌తో సినిమా తీశాడు కానీ, ఒకే సినిమాతో హీరోని, ద‌ర్శ‌కుడ్నీ ప‌రిచ‌యం చేయ‌డం ఇదే తొలిసారి.