బాల‌కృష్ణ తో సినిమా అంటే ద‌ర్శ‌కుల‌కు పండ‌గే. ఎందుకంటే..ఆయ‌న డైరెక్ట‌ర్ల హీరో. సెట్లో ద‌ర్శ‌కుడు ఏం చెబితే అది చేసేస్తారాయ‌న. అందుకే ద‌ర్శ‌కులంతా బాల‌య్య‌తో ప‌నిచేయ‌డానికి ఎదురు చూస్తుంటారు. కాక‌పోతే… బాల‌య్య సినిమా అంటే హీరోయిన్ల ద‌గ్గ‌రే స‌మ‌స్య వ‌స్తుంది. ఆయ‌న ఏజ్‌కీ, క్రేజ్‌కీ, సీరియారిటీకి స‌రిప‌డా హీరోయిన్ ని వెదికి ప‌ట్టుకోవ‌డం క‌ష్ట‌మే. ప్ర‌తీ సినిమాకీ ద‌ర్శ‌కుల‌కు ఈ స‌మ‌స్య త‌ప్ప‌కుండా ఎదుర‌వుతుంది. ఇప్పుడు అనిల్ రావిపూడికి కూడా. బాల‌య్య – అనిల్ రావిపూడి కాంబినేష‌న్‌లో ఓ సినిమా ప‌ట్టాలెక్కుతున్న సంగ‌తి తెలిసిందే. ఈ వార‌మే ఈ చిత్రం సెట్స్‌పైకి వెళ్ల‌నుంది. క‌థానాయిక‌గా ఎవ‌రిని ఎంచుకోవాలో తెలీక అనిల్ రావిపూడి స‌త‌మ‌త‌మ‌వుతున్నాడు. చాలామంది హీరోయిన్ల‌ని సంప్ర‌దించాడు. బాలీవుడ్ కీ వెళ్లొచ్చాడు. కానీ కుద‌ర్లేదు. ఎట్ట‌కేల‌కు… బాల‌య్య ప‌క్క‌న హీరోయిన్ దాదాపుగా ఫిక్స‌యిన‌ట్టే తెలుస్తోంది. ప్రియాంక జువాల్క‌ర్ పేరుని బాల‌య్య సినిమా కోసం ప‌రిశీలిస్తున్నారు. ఇటీవ‌ల… ఓ ఫొటో షూట్ కూడా నిర్వ‌హించాడు అనిల్ రావిపూడి. దాంతో.. దాదాపుగా ప్రియాంక ఖాయ‌మ‌న్న టాక్ వినిప‌స్తోంది. అయితే.. ప్రియాంక మెయిన్ హీరోయినా? లేదంటే మ‌రో క‌థానాయిక ఉంటుందా అనేది తెలియాలి. ఎందుకంటే.. ప్రియాంక ఇప్ప‌టి వ‌ర‌కూ టాప్ హీరోల‌తో చేయ‌లేదు. చేసిన అర‌కొర సినిమాల్లో ఆమెకు అంత‌గా గుర్తింపు రాలేదు. త‌నే మెయిన్ హీరోయిన్ అయితే.. బాల‌య్య అభిమానులు నిరాశ ప‌డ‌డం ఖాయం. మ‌రి అనిల్ రావిపూడి మైండ్ లో ఏముందో చూడాలి.
బాల‌య్య హీరోయిన్ దొరికేసిన‌ట్టేనా..?
