ఈ వారం ఏకంగా 17 కొత్త సినిమాలు థియేటర్లో వున్నవి. అయితే నెంబర్ కి17 సినిమాలే అయినా ఇందులో కాస్త బజ్ వున్న సినిమాలు మాత్రం మూడే కనిపిస్తున్నాయి. సత్యదేవ్, తమన్నా నటించిన ‘గుర్తుందా శీతాకాలం’ సినిమా ఇందులో ముందు వరసలో వుంది. సత్యదేవ్ మంచి నటుడు, తమన్నా గురించి తెలిసిందే. గాడ్ ఫాదర్ లో విలన్ గా ఆకట్టుకున్న తర్వాత సత్యదేవ్ నుండి వస్తున్న సినిమా ఇది. కలర్ ఫోటోతో ఆకట్టుకున్న దర్శకుడు సందీప్ రాజ్ తీసిన సినిమా ‘ముఖ చిత్రం’. ఈ సినిమా ట్రైలర్ ఆసక్తిని రేపింది. విశ్వక్ సేన్ ఇందులో గెస్ట్ రోల్ లో కనిపించడం మరో ఆకర్షణ. ట్రైలర్ చూస్తే కంటెంట్ వున్న సినిమా అనే నమ్మకాన్ని కలిగించింది.
ఇక మూడో సినిమా.. సూపర్ గుడ్ ఫిల్మ్స్ నిర్మాణంలో యష్ అనే కొత్త కుర్రాడుతో తీసిన ‘చెప్పాలని ఉంది’. సూపర్ గుడ్ ఫిలిమ్స్ లాంటి సంస్థ దీని వెనుక వుంది. ప్రమోషన్స్ కూడా బాగానే చేస్తున్నారు. మంత్రి తలసాని, హీరో నిఖిల్ తో ఆడియో రిలీజ్ చేయించారు. టూర్లు కూడా ఏర్పాటు చేశారు. ఇక మిగతా సినిమాలు గురించి పెద్దగా బజ్ లేదు.అన్నట్టు రామ్ గోపాల్ వర్మ తీసిన డేంజరస్ కూడా ఈ వారం వుంది. అయితే దాని మూడేళ్ళ క్రితం ఆ సినిమా విడుదల చేస్తానని చెప్పారు. దీంతో అది అవుట్ డేటడ్ కేటగిరీలోకి వెళ్ళింది. విజయానంద్ అనే కన్నడ సినిమా ఒకటుంది. ట్రైలర్ బావుంది కానీ దాని గురించి పెద్ద ప్రచారం చేయలేదు. మిగతా సినిమాలన్నీ పోస్టర్లతో సరిపెట్టుకున్నాయి.
